”Abituriyent-2013” loyihasi turkumidan

1994-yil yanvar – Qozog‘iston Prezidenti N.Nazarboyev rasmiy davlat tashrifi bilan O‘zbekistonda bo‘ldi.
1994-yil yanvar – O‘zbekiston Prezidenti I.Karimov Qirg‘izistonda bo‘ldi. Rasmiy tashrif yakunida ikki davlat Prezidentlari tovarlar, xizmatlar, sarmoya, ishchi kuchlarining erkin yurishini, o‘zaro kelishilgan kredit hisob-kitob, byudjet, soliq, narx, bojxona va valyuta siyosatini belgilovchi shartnomani imzoladilar.
1994-yil mart – «O‘zbekiston Respublikasi Tashqi ishlar vazirligi faoliyatini takomillashtirish to‘g‘risida»gi qarori qabul qilingan.
1994-yil may – Yaponiyada davlat rahbarlari o‘rtasidagi oliy darajadagi uchrashuvi bo`lib o`tdi
1994-yil 1-iyul – respublika hududida yagona, cheklanmagan va qonuniy to‘lov vositasi sifatida milliy valyuta – so‘m muomalaga chiqarilgan
1994-yilning sentabr – barcha bolali oilalar uchun yagona nafaqa joriy etildi. Bunday yordam odamlarga yaqin turadigan mahalla yig‘inlarida amalga oshiriladigan bo‘ldi.
1994-yil oktabr – Parijda Ulug‘bek haftaligi tantana bilan o‘tdi.
1994-yil oktabr – Moskvada o‘tkazilgan MDH davlat boshliqlarining Kengashida Davlatlararo iqtisodiy qo‘mita (DIQ) tuzildi. DIQning shtab-kvartirasi Moskva shahri deb belgilandi.
1994–2001-yillarda – uzunligi 700 kilometrga yaqin Navoiy– Uchquduq–Nukus temir yo‘li qurib bitkazildi.


1995-yil – «Chorvachilikda xususiylashtirishni davom ettirish va xususiy tadbirkorlikni qo‘llab-quvvatlash chora-tadbirlari to‘g‘risida» qarori qabul qilindi
1995-yil – Fanlar akademiyasi haqiqiy a’zoligiga oxirgi saylovlar o‘tkazilgan edi.
1995-yil – Mahmud Zamaxshariyning 920 yilligi yubileyi keng nishonlandi.
1995-yil – Markaziy Osiyo davlatlari rahbarlari Nukus shahrida Orol dengizi muammosiga bag‘ishlangan uchrashuvlar o‘tkazdilar
1995-yil – Markaziy Osiyo davlatlari rahbarlari Turkmaniston Respublikasining Toshhovuz shahrida uchrashuvlar o‘tkazdilar