”Abituriyent-2013” loyihasi turkumidan

Konsepsiya – biror sohani rivojlantirishga qaratilgan keng qamrovli loyiha yoki qarashlar majmui.

Sanksiya – huquqshunoslikda huquqbuzarga nisbatan qoʻllaniladigan va uning uchun muayyan oqibatlar keltiruvchi chora.

Strategiya – uzoqqa boruvchi ta’sir vositalari va uslublari; maqsadni istiqbolli dinamik aniqlab olish.

Dotatsiya (lot. — tuhfa) – maʼlum harajatlarni qoplash uchun iqtisodiyotning bir subʼyekta tomonidan ikkinchisiga qaytarib bermaslik sharti bilan pul mablagʻi berilishi.

Aeronavigatsiya – (lot. — kemada suzish) Uchish apparatlarini tegishli asbob va vositalar yordamida belgilangan yo‘ldan olib borish haqidagi fan;havo navigatsiyasi.

Magistral – (lot. — bosh, asosiy) asosiy yo‘l. Qatnov yo‘li, umuman,tarmoqlangan sistemalarning asosiy qismi.

Erkin iqtisodiy zona – bu zonalarda bozor iqtisodiyotining ochiq tizimi tashkil etiladi.Xorijiy va milliy tadbirkorlar uchun qulay, imtiyozli sharoit yaratiladi.

Maxsus iqtisodiy zona – bu zonalar alohida maqomga ega bo`ladi.Maxsus imtiyoz va chegirmalar asosida savdo, boj imkoniyatlari beriladi

Erkin industrial-iqtisodiy zona – bu zonalarda korxonalar faoliyatini jadallashtirish, sanoatni modernizatsiya qilish, ichki bozorni tovarlar bilan to`ldirish, eksport-importni kengaytirish amalga oshiriladi

Maxsus industrial zona – bu zonalarda yangi texnalogiyalarni o`zlashtirish, alohida sohadagi sanoatni rivojlantirish, hududning o`ziga xos ijtimoiy imkoniyatlari hisobga olingan holda maxsus sanoat mahsulotlarini ishlab chiqarish tashkil etiladi

Logistika – (yun. logistike – hisoblash, muhokama san’ati) Inson faoliyatining u yoki bu sohasini moddiy-texnik ta’minlashni boshqarish tizimi.

Konvertatsiya – (lot. convertatio – o‘zgartirish, aylantirish) Milliy valyutaning amaldagi kurs bo‘yicha boshqa xorijiy valyutalarga erkin va cheklanmagan miqdorda almashtirilishi

Skrining – (ing. – saralash) maxsus usullar yordamida kasallikni erta va tez aniqlash uchun aholini ommaviy tekshirishdan o‘tkazish.

Infratuzilma – Ishlab chiqarishga xizmat qiluvchi va jamiyat hayoti uchun zarur bo‘lgan me’yoriy sharoitni ta’minlashga xizmat qiladigan turli-tuman yordamchi xizmat ko‘rsatuvchi sohalar majmui.