Ҳабиб Саъдулласиз келган баҳор

Нодирабегим номидаги Наманган вилоят ахборот – кутубхона марказида Шоир Ҳабиб Саъдуланинг “Ҳабиб Саъдулласиз келган баҳор”деб номланган тематик кечанинг
АХБОРОТИ

Ўзбек халқ шоири Ҳабиб Саъдулла ўз сози ва ўз овози билан кириб келиб даврада қирқ йилдан зиёд ижод баробарида Ўзбекистон Ёзувчилар уюшмаси Наманган вилоят бўлимини бошқариб ёшларга севимли устоз бўлди. Нодирабегим номидаги ахборот-кутубхона марказида ўтказилган тадбир ҳам севимли шоиримизнинг 79 йиллиги олдидан “Ҳабиб Саъдулласиз келган баҳор” номи остида шу даргоҳнинг Нодирабегим зали ўлкашунослик секторида ўтказилди. Тадбирда фаол китобхонлар ҳамда Наманган тумани халқ таълими бўлимига қарашли 23- сонли умумий ўрта таълим мактабининг 30 дан зиёд ўқувчилари иштирок этиб, Ҳабиб Саъдулланинг ҳаёти ва ижоди ҳақида, ғазал, шеър, достонларидан намуналар айтиб бердилар.

Бу даврага ташриф буюрган Ўзбекистон Ёзувчилар уюшмаси етакчи мутахассиси Руқия Ғозиева, Ўзбекистон Республикаси маънавият жамғармаси вилоят бўлими мутахассиси Нурхоной Маткаримовалар иштирок этиб, устоз ҳақидаги хотираларини ўқувчи ёшлар билан ўртоқлашдилар.
Тадбирда ўлкашунослик сектори мудири Гўзалхон Сатибаева шоир Ҳабиб Саъдулла ҳақида библографик шарҳ берди.
Сатибаева.Г