Abdurauf Fitrat XX asr o’zbek adabiyoti qomusiy bilimga EGA olim, adabiyot nazariyachisi, talantli davlat va jamoat arbobi. Abdurauf Fitrat 1884-yilda Buxoroda tug’ilgan

ABDURAUF FITRAT

Abdurauf Fitrat XX asr o’zbek adabiyoti qomusiy bilimga ega olim, adabiyot nazariyachisi, talantli davlat va jamoat arbobi. Abdurauf Fitrat 1884-yilda Buxoroda tug’ilgan. Uning otasi Abdurahimbiy o’z davrining ziyoli, davlatmand kishilaridan bo’lgan. Onasi Mustafobibi.

Fitrat talabalik yillarida taxminan 18-19 yoshlarida otasi bilan hajga boradi. Uning 1912-yilda “Sayha” (Bong) degan she’rlar to’plami bosildi. U fors tilida yozilgan edi. “Hind sayyohining qissasi”ni ham forschada yozdi va 1912-yilda nashr ettirdi.
Fitrat 1921-yilda Buxoroga kelib, davlat ishlarida faol ishtirok etdi. Bir qancha mas’ul vazifalarda ishlab, Buxoroning rivoji uchun qo’lidan kelgan yordamini berdi. Biroq F.Xo’jayevning Buxoro hukumatida millatning taraqqiyoti uchun olib borayotgan keng ko’lamdagi ishlari Moskvaga yoqmaydi. Fitrat Moskvaga ketishga majbur bo’ldi. U yerda sharq tillari institutida ilmiy xodim bo’lib ishlaydi. Shu yillar unga professorlik unvoni berildi. Fitratning “Eski o’zbek adabiyotiga umumiy bir qarash”, “Chig’atoy adabiyoti” kabi yirik tadqiqotlari va Umar Xayyom, Alisher Navoiy, Mashrab, Nodira to’g’risidagi kitob va maqolalari shu davr o’zbek adabiyotshunosligida bir voqea, bir davr bo’lib kiradi.
Fitrat ulug’, betakror ijodkor edi.