Abdurashid Saliеvich Xasanov

110. ДАРМШТАДТИЙ – Дармштадтий, Darmshtadtiy, белгиси – Ds. Аввалига бу элемент унуннилий (ununnilium) аталган эди. Дармштадтий даврий сисметанинг VIII гуруҳ элемент, тартиб рақами 110, атом массаси [271], унинг мураккаб муқаррар изопи ²⁷¹Ds.
Радиофаол, 298 К (25 ⁰С) да у қаттиқ ҳолда, ранги ҳойнаҳой кумушсимон оқ ёки кулранг ва металлга ҳос ялтироқ (ҳали тўлиқ ўрганилмаган ва аниқланмаган).
1994 йил 9 ноябр соат 16:39 да Германиянинг Дармштадт шаҳридаги жойлашган Оғир ионлар илмий текшириш Марказининг тажриба хонасида 110 кимёвий элемент Дармштадтий илк бора аниқланди. Атом сони 269 бўлган изотоп ўзининг водород элементига қараганда худди шунча, яъни 269 маротаба оғирлигини кўрсатди. Бу кимёвий элементнинг очилишида немис олимларидан Дармштадт (Германия) (нем. Gesselshaft fur Schweriontnforshung, GSI) С.Хоффман, В.Нинов, Ф.П. Хессберг, П.Армбрустер, Х.Фолгер, Г.Мюнценберг, Х.Дж.Шотт ва бошқалар муаллиф сифатида кимё соҳасида оламшумул янгиликни яратишди.
Минеpaллapи. Ушбу кимёвий элемент сунъий синтез йўли билан олинганлиги учун ҳам унинг минераллари мавжуд эмас.
Ишлатилиши. Ҳозирги кунда ҳеч жойда ишлатилмайди, келажакда бу кимёвий элемент ўзининг фанга қанчалик муҳимлигини номаён этади деб ўйлаймиз.
Теxнoлoгияси. Дармштадтий кимёвий элементи Оғир ионлар илмий текшириш Маркази томонидан очилган 107 элемент Борий, 108 элемент Хассий, 109 элемент Мейтнерийдан кейинги 4-кимёвий элементдир. Ушбу марказ кимёвий синтез йўли билан 111 (Rg) ва 112 элемент (Uub) кашф этилганлигини ҳам айрим манбааларда эълон қилмоқда. Дармштадтий кимёвий элементини олиш мобайнида қўрғошин ядроси билан никель ядросининг реакция орқали бир-бири билан бирикиб, сингиши натижасида қўйидаги кимёвий реакция орқали ҳосил бўлган:
²⁰⁸Pb + ⁶²Ni = ²⁶⁹Ds+¹n/
Шунингдек, қўрғошин атомининг никельнинг анча оғирроқ бўлган изотопи билан бир-бирига бирикиш ва сингиш реакцияси натижасида Дармштадтийнинг бошқа изотопи ҳам олинган. Ушбу кимёвий реакциялар никель атомининг ниҳоятда юқори энергия туфайли майда микрочастицаларнинг (ионларнинг) фаоллашуви ва тезлашуви натижасида рўёбга чиққан. Бу эса бир неча кун мобайнида қўрғошиндан никель атомларининг миллиардлаб отилиши эвазига бир дона Дармштадтий атомининг ҳосил бўлишига олиб келади.