Aбдуллaeвa ш. A., РЎзиeвa д. И. Пeдaгoгик диaгнoстикa вa кoррeкция

Альтруизм- шахсий манфаатларни ижтимоий манфаатларга бўйсундириш, шахсий 
манфаатдан, жамоавий манфаатни устун қуйиш. 
Башорат қилиш (Прогноз) Таълим-тарбия жараёнида педагог доимо вазиятни 
башорат (прогноз) қилиб боради, унинг натижаларига қараб ўқув-тарбиявий тизимнинг 
кейинги босқичларини аниқлайди. Аттестация ўтказиш давомида ўқитувчи юқори 
билим талаб қилинадиган ўқув масканида ўқишга, уни муваффақиятли тугаллашига
тадқиқ қилинувчи ўқувчи-ёшларнинг тайёргарлиги етадими, йўқми, ижтимоий ҳаётдаги 
фаоллик даражаси кўрсаткичи каби масалаларни башорат қила олиши керак. Ҳозирги кун 
талаби асосида ҳар бир ўқитувчи прогностика билан шуғулланиши зарур.
 
Валидлик (инглизча: «валид»-«ишончли»)- ўлчов сифатининг муҳим методик 
талабларидан бири. Валидлик ҳақиқатда ҳам ўлчаш талаб этилаётган нарса
ўлчанганлигини абсолют ишонч ҳосил қилинганлиги(ёки бошқа нарса ўлчанганлиги)ни
аниқлайди.
Тест методикасида валидликнинг қуйидаги турлари учрайди: Мазмуннинг валидлиги, 
Натижанинг валидлиги, Прогнознинг валидлиги, Коструктивлик валидлиги. 
Ватанпарварлик – ахлоқий, фалсафий, ижтимоий, педагогик категория. Ватанга 
содиқлик, ватанпарварлик, ўзининг қудратли илдизлари билан ўз оиласининг авлод - 
аждодларининг номус- орига чуқур эҳтиромга, инсоннинг шахсий виждонига, бурчга ва ўз 
сўзига содиқликка бориб тақалади. Кишиларимизнинг ватанпарварлиги ҳамма вақт 
севимли халқнинг шон - шарафи, қадр - қиммати, маданияти ва анъаналарига 
эҳтиёткорлик билан муносабатда ўз ифодасини топиб келди. Ватанпарварлик фуқаролар 
якдиллиги ёш ва мустақил Ўзбекистон давлати барпо этилаётган негиздир. Айни шу нарса 
жамиятни қайта ўзгартириш йўлидаги қийинчиликларни енгиб ўтишга, ҳамжиҳатлик ва 
ҳамкорликка эришишга ёрдам беради. 
 
Девиация-(лотинча: «дe»-оғиш, синиш, қайтиш; «виaнтус»-фаолият»-, яъни хулқ 
нормаларидан четлашиш)-бу ижтимоий педагогик муаммо бўлиб, инсон руҳий оламидаги, 
унинг атрофидаги муҳитнинг ўзгариш ҳоллари билан боғлиқ.