Abdulla qodiriy nomli jizzax davlat pedagogika instituti

Mustaqil ishlarni mazmuni

Ta’lim dasturida fanlarning bir qator masalalari va muammolari mustaqil ta’lim orqali o’rganilishi ko’zda tutilgan. Mustaqil ta’lim o’quvchilar tomonidan u yoki bu fan bo’yicha dastur materiallaridan bir qismini mustaqil o’zlashtirilishidir.

Mustaqil ta’lim o’quvchining auditoriyada va undan tashqarida, o’qituvchi rahbarligi yoki o’qituvchi ishtirokisiz amalga oshiriladigan mustaqil ish majmuini anglatadi.

Mustaqil ta’lim quyidagi shakllarda amalga oshiriladi:

1. Bevosita auditoriyada – ma’ruza amaliy mashg’ulot, seminar yoki laboratoriya ishlari bo’yicha vazifalar berish jarayonida;

2. O’qituvchi bilan dars jadvalidan tashqari paytlardagi bevosita muloqot chog’ida maslahatlar berishda, ijodiy muloqotlar jarayonida, yakka topshiriq bajarishda va boshqalar.

3. Axborot resurs markazida, uyda, talabalar uylarida, kafedralarda talaba tomonidan o’quv yoki ijodiy topshiriqlarni bajarish jarayonida.

Referat - bu o’quvchilar mustaqil ishlarining samarali shakllaridan biri bo’lib, tomonidan referat mavzusini tanlash, unda yoritiladigan masalalar mazmunini oldindan rejalashtirish, referatni tayyorlash va muhokama qilishning barcha bosqichlarida professor-o’qituvchilarning tashkiliy-uslubiy yordami va maslahati asosidagina samarali amalga oshishi mumkin. Bu yerda professor o’qituvchi tomonidan talabalarning referat ishlariga rahbarlik qilish qanchalik batafsil va malakali amalga oshirilganligi va referatlarga talablar mezoni qanchalik to’g’ri qo’yilganligi hal qiluvchi ahamiyatga ega. Topshiriq o’quvchilarning referat yozish ko’nikmalarini, ilmiy qiziqishlari va bilim darajasini hisobga olgan holda berilishi maqsadga muvofiq hisoblanadi.