Abdulla qodiriy nomidagi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI ABDULLA QODIRIY NOMIDAGI JIZZAX DAVLAT PEDAGOGIKA INSTITUTI			MINISTRY OF HIGHER AND SECONDARY SPECIALIZED EDUCATION OF THE REPUBLIC OF UZBEKISTAN JIZZAKH STATE PEDAGOGICAL INSTITUTE NAMED AFTER ABDULLA QADIRI
130100, Jizzax shahri, Sh.Rashidov shoh ko’chasi, 4	tel.: [phone], fax-226-46-56 web-site: www.jspi.uz E-mail: [e-mail]			Sh.Rashidov avenue 4, Jizzakh, 130100

Б У Й Р У Қ - О - № 128
Жиззах шаҳри 15.02.2019

Жиззах давлат педагогика институтида иқтидорли талабаларнинг илмий тадқиқот фаолиятини ташкил этиш, улар орасидан рационализаторлик таклифларига, ихтирочилик ва инновацияларни ишлаб чиқиш ҳамда чет тилларини юқори даражада билиш қобилиятига эга бўлган ёшларни саралаш, фан олимпиадаларига, Ўзбекистон Республикаси Президенти стипендияси ва Номдор стипендияларга номзод тайёрлаш тизимини такомиллаштириш мақсадида

Б У Ю Р А М А Н:

1. 
   Жиззах давлат педагогика институтида иқтидорли талабаларнинг илмий тадқиқот фаолиятини ташкил этиш бўлими Низоми 1- иловага, 2019 йилга мўлжалланган “Йўл харитаси” 2 - иловага мувофиқ тасдиқлансин.
   

Илмий ишлар ва инновациялар бўйича проректор Ғ.Қодиров, иқтидорли талабаларнинг илмий тадқиқот фаолиятини ташкил этиш бўлими бошлиғи Т.Ахмедовга:
- иқтидорли талабаларнинг илмий тадқиқот фаолиятини ташкил этиш бўлими “Йўл харитаси” ижроси назорат қилиб борилсин ва ижро ҳолати бўйича ҳар ой якуни бўйича институт ректорига таҳлилий маълумотнома киритиб борилсин;
- институтда факультетлар кесимида илмий тадқиқот фаолиятига лаёқати бор бўлган ҳамда тегишли фанларни чуқур ўзлаштираётган талабалар саралаб олинсин ва уларнинг ягона электрон маълумотлар базаси шакллантирилсин;
- ОТМда талабаларни илмий ижод фаолиятига йўналтириш, бу борада улар томонидан тайёрланган энг яхши мустақил иш, курс иши, битирув малакавий иши, инновацион таклифлар, педагогик ишланмаларни қўллаб-қувватлаш учун танловлар ташкил этилсин ҳамда моддий-маънавий рағбатлантириш бўйича таклифлар киритиб борилсин;
- рационализаторлик таклифларига, ихтирочилик ва инновацияларни ишлаб чиқиш, чет тилларини юқори даражада билиш қобилиятига эга бўлган ёшлар билан вилоятдаги таълим муассасалари, ишлаб чиқариш корхоналари, фермер хўжаликлари ҳамда республикадаги илмий тадқиқот институтлари билан самарали ҳамкорлик йўлга қўйилсин;
- ОТМ миқёсида талабаларни Ўзбекистон Республикаси Президенти стипендияси ва Номдор стипендияларга, шунингдек, республика фан олимпиадаларига тайёрлаш тизимли равишда ташкил этилиши мувофиқлаштириб борилсин.
Факультет деканлари ва кафедра мудирларига:
- иқтидорли талабаларга тажрибали профессор-ўқитувчилар “устоз – шогирд” анъанаси асосида бириктирилсин ва бу бўйича кафедранинг йиғилиш қарори ва факультет деканининг тегишли фармойиши расмийлаштирилсин;
- жорий йилнинг 1 мартига қадар иқтидорли талабалар тўғрисидаги электрон маълумотлар иқтидорли талабаларнинг илмий тадқиқот фаолиятини ташкил этиш бўлимига топширилсин;
- ҳар бир кафедрада илмий-ижодий тўгараклар фаолияти тубдан яхшилансин ва ҳафтада бир кун тўгарак куни сифатида белгилансин, тўгаракнинг фаолияти кафедра мудири томонидан мувофиқлаштириб борилсин;
- факультетлар кесимида талабаларни илмий ижод фаолиятига йўналтириш, бу борада улар томонидан тайёрланган энг яхши мустақил иш, курс иши, битирув малакавий иши, инновацион таклифлар, педагогик ишланмаларни қўллаб-қувватлаш учун танловлар ташкил этилсин;
- факультетда иқтидорли талабалар билан тегишли фан соҳалари бўйича академиклар ва бошқа олимларни жалб этган ҳолда конференциялар, ўқувлар, давра суҳбатлари ва семинарлар ўтказилсин;
- ўқув ишлари бўйича декан ўринбосарларига республика фан олимпиадаларига номзодларни тайёрлаш, уларга қўшимча дарсларни ўтиш билан боғлиқ ташкилий жараёнларни самарали йўлга қўйиш вазифаси топширилсин;
- факультетда талабаларни Ўзбекистон Республикаси Президенти стипендияси ва Номдор стипендияларга тайёрлаш босқичма-босқич мувофиқлаштириб борилсин;
- иқтидорли талабалар билан ишлаш борасида амалга оширилган ишлар тўғрисида ҳар ойнинг 25 санасига қадар илмий ишлар ва инновациялар бўйича проректорга ёзма равишда ҳисобот тақдим этилсин.