Abdulla qodiriy nomidagi jizzax davlat pedagogika instituti

Tuzuvchilar:

T.Axmedov –Ta’lim muassasalarini boshqarish kafedrasi mudiri

X.A.To‘raqulov– Boshlang‘ich ta’lim nazariyasi va amaliyoti professori

A. Qodiriy nomidagi Jizzax davlat pedagogika instituti Ilmiy Kengashi tomonidan tasdiqlangan , 2020 yil 24 avgustdagi № 1-sonli bayonnomasi

Umumiy qoidalar

O‘zbekiston Respublikasida «Ta’lim to‘g‘risida»gi Qonun va «Kadrlar tayyorlash milliy dasturi» talablari asosida Abdulla Qodiriy nomli Jizzax Davlat pedagogika institutida Oliy ta’limning ikkinchi bosqichi magistratura ta’limi joriy etildi.

Institutda ochilgan magistratura bo‘limi «Ta’lim» sohasida bo‘lib, u 5A111701-ta’lim va tarbiya naariyasi va metodikasi (boshlangich ta’lim) magistratura mutaxassisligi bo‘yicha yuqori malakali pedagog kadrlar tayyorlashni o‘z oldiga maqsad qilib ko‘yadi.

Bakalavr tizimida bo‘lgani kabi magistratura bosqichida xam malakaviy pedagogik amaliyot olib borish ko‘zda tutiladi va u «Ilmiy pedagogik va malakaviy amaliyot» nomi bilan yuritiladi. Uni o‘tkazish uchun o‘quv rejada jami ___ soatlik vaqt ajratilgan.

Ilmiy-pedagogik va malakaviy amaliyot o‘quv jarayonining muhim uzviy bo‘lagi bo‘lib, uning asosiy maqsadi oliy ta’lim, akademik litsey va kasb-hunar kollejlariga yuqori malakali, ilmiy salohiyatga ega bo‘lgan o‘qituvchi-pedagog xodimlarni tayyorlashdan iboratdir. «Magistratura to‘g‘risidagi Nizom» da uni o‘tkazishda quyidagilarni amalga oshirish ko‘zda tutilgan:

• 
  Ixtisoslik fanlari bo‘yicha turli mashg‘ulotlarni o‘tkazish bo‘yicha tajriba orttirish;
  
• 
  Ma’ruzalar matnlari va mashg‘ulotlar o‘tkazish rejalarini tuzish;
  
• 
  Yangi pedagogik va axborot texnologiyalarini o‘rganish va qo‘llash;
  
• 
  Talabalar bilimlarini reyting-nazorat qilish tizimini o‘rganish va qo‘llash;
  
• 
  Talabalar mustaqil bilim olishining tashkiliy va o‘quv-uslubiy ta’minotini o‘rganish;
  
• 
  Uslubiy ko‘rsatmalarni ishlab chikish;
  
• 
  Tarbiyaviy ishlarni olib borishni ko‘zdatutish¹.