Abdulla qodiriy nomidagi jizzax davlat pedagogika instituti tabiiy fanlar fakulteti

Amir Temur xiyoboni. Togshkentning markaziy ko‘chalari chorrahasidagi (doira shaklidagi) bog‘ bo‘lib, unda yurtimiz davlatchiligiga asos solgan sarkarda Amir Temur haykali o‘rnatilgan. Bog‘ning shimoli-sharqiy qismida muzey tashkil etilgan bo‘lib, sarkarda davriga oid ko‘rgazmalar bilan jihozlangan va bu ko‘rgazmalar o‘sha davr madaniyati, ilm-fani va ma’naviy hayotini aks ettiradi.
Bobur bog‘i. 1932 yilda tashkil etilgan bo‘lib, u genyeral-gubyernator K.P.Kaufman otxonasi o‘rnida tashkil etilgan. Uni to‘qimachilik sanoati ishchilari “xalq qurilishi” usulida qurishgan. Hozirgi kunda bog‘da yirik chinorlar bo‘lib, ular bog‘ga asos solingan davrda ekilgan.
G‘afur G‘ulom bog‘i. O‘tgan asrning ikkinchi yarmida Chilonzor massivi qurilgan. Umumiy maydoni 22 gektar bo‘lgan G‘afur G‘ulom bog‘i xalqlar do‘stligi va Cho‘pon ota ko‘chalarining kesishgan joyida barpo etilgan. Bugungi kunda bog‘ nafaqat Toshkent shahri balki, butun respublikada eng yaxshi oromgohlardan biri hisoblanadi.
Mirzo Ulug‘bek bog‘i. 1934 yilning 24 iyunida “O‘zbekiston haqiqati” gazetasida shahar aholisini bog‘ning ochilishi tantanasiga taklif etish haqida e’lon bosilgan edi. Respublika mustaqilligiga qadar bog‘ “Telman parki” deb nomlangan. Bugungi kunda bog‘ning ko‘rinishi, undagi dam olish shoxobchalari yanada ko‘rkamlashgan.
“Ko‘ngil ochish” bog‘i (Toshkent Lend). Mamlakat mustaqillikka yerishganiga 26 yil bo‘ldi. O‘tgan qisqa muddat davomida shahardagi oromgohlar soni ancha ortdi. 1995 yilda O‘zbekiston Markaziy banki atrofida yangi park barpo etildi. Shahar aholisi uni “Toshkent Lend” deb atashadi. Boshqa bog‘lar singari unda ham yaxshi maydonlar, attraksionlar, gullar ko‘p. Ayniqsa, dam oluvchilar uchun bog‘dagi qushlar, o‘rdak va g‘ozlar zavq bag‘ishlaydi.
Alishyer Navoiy nomidagi Markaziy bog‘. O‘tgan asrning 30-yillarida Toshkent shahrida ko‘plab istirohat bog‘lari qurilgan. Shu jumladan, Markaziy bog‘ga ham Shu yillarda asos solingan. 1932 yilda Olmazor ko‘chasida bog‘ qurila boshlangan va 1937 yilda uning qurilishi tugatilgan. Uning umumiy maydoni 65 gektar, bog‘ning suv yuzasi bilan qoplangan maydoni 9 gektarni tashkil qiladi. Bog‘ atrofida Xalqlar do‘stligi saroyi, Navro‘z restorani, Oliy Majlis binosi qad ko‘targan. Mustaqillikdan so‘ng, bog‘ning ko‘rinishi yanada ko‘rkamlashdi. Yangi attraksionlar, yashil maydonlar barpo etildi.