Abdulla avloniy pandlar, hikoyalar, kitobidan

 

 

 

 

 

IFFAT 

 

 

Iffat  deb  nafsimizni  gunoh  va  buzuq  ishlardan  saqlamoqni  aytilur.  Bizlarni 

gunoh  va  ma'siyatdan  saqlaguvchi,  harom-harishdan  nafsimizni  asraguvchi  faqat 

iffatimizdur. 

 

Axloq  sohibi,  iffat  egasi  qalbini,  vijdonini  poklab,  tilini  yolg'on,  g'iybat, 

bo'hton va moloya'ni kabi yomon so'zlardan saqlar. 

 

Chunki insonga iffatidan ko'proq til iffati lozimdur. 

 

Boshimizga  keladurgan  kulfat  va  zahmatlarning  aksari  yomon  tilimizdan, 

andozadan ortuq so'ylaganimizdan kelur. 

 

 

 

O'ylamay so'ylagan og'rimay o'lar,  

 

 

Fikr ila so'ylagan yig'lamay kular. 

 

www.kitob.uz saytida elektron kitoblar, audio ertaklar, darsliklar mavjud

---

 

Iffat  erlardan  ko'proq  xotunlar  uchun  olmosdan  qim-mat,  injudan  qadrli 

ziynat va fazilatdur. 

 

Iffati  i  kishi  har  vaqt  nazari  ibrat  ila  harakat  qilur.  Kecha  va  kunduz  fikri, 

zikri vatandoshlariga, qarindoshlariga yaxshilik, xayrixohlikdan iborat bo'lur. 

 

So'zida,  fe'lida  sodiq  bo'lub,  vijdonga  ters,  insoniyatga  kelishmagan 

muomaladan  hazar  qilur.  Hazrati  Ali  roziyallohu  anhu:  «Iffat  xotunlarning  eng 

ziynatli libosi, erlarning sarmoyayi uluwiyatidur», — demishlar. 

 

Hazrati  Luqmon:  «Iffat  nomusning  eng  mahkam  suyanchig'idur.  Nafsning 

hujumiga shul quwat ila muqobila qilinur», - demishlar. 

 

Aflotun  hakim:  «Iffat  xotundan  ko'proq  erlarga  yarashadurgan  bir  sifatdur. 

Xotun  iffati  adab  va  nomusini  saqlovdur.  Erlarning  iffati  butun  insoniyat 

adablariga shomildur. Iffatsiz inson yalang'och jasad kabidur», — demishlar. 

 

 

 

Zotingga ziynat o'lan iffatni dilda saqlagil,  

 

 

Shahvat-u nafsing sani bo'lg'usidur aqlingg'a qui.  

 

 

Har kishining dunyoda yirtilsa iffat pardasi,  

 

 

Nafsi shaytondek ani bir kun solur bo'yniga g'ul.