Абдулла қАҲҲОР

Қадимги қўшиқ
Ҳожимирсирож автобусда жой талашиб болалик бир 
хотин билан айтишиб қолди. Бир мактаб бола ҳам кела- 
ётган экан, шу орага тушди-ю, ёмон бўлди. Бу қоҳвош 
«шу ишингиз нотўгри», дейиш билан-ку, Ҳожинннг қор- 
нига қозиқ қоққандек бўлган эди, яна «хўмрайманг» де- 
гани нимаси?
Ҳожи бирпас заҳарини ютиб турди-да, бола автобус- 
дан тушиб кетаётганида, секин қўлини узатиб, қулоғини 
ушлади ва уч буклаб туриб қаттиқ қисдн, қисди, жони- 
нинг борича қисди! Бола, «қулоқдан айрилдим», деб ўй- 
лаган бўлса керак, қўрқиб дарров ушлаб кўрди — йўқ, 
қулоқ жойида. У автобусдан тушиб, ловуллаб турган 
қулоғини ушлаганича Ҳожига қаради ва бисотидаги энг 
оғир, энг даҳшатли ҳақоратни ишлатди, яъни «тарбия- 
сиз!» деди.
Ҳожи ҳузур қилиб ўч олганпдан, боланинг сўккани 
бошқа сўз тополмаганидан хурсанд бўлиб, орқасига су- 
янди ва атрофига назар ташлади, қараса, ҳамма, айниқ- 
са шофернинг орқасида китоб кўриб ўтирган киши ўзини 
кулгидан зўрға тийиб турганга ўхшайди. «Ҳароми, мени 
тоза расво қилганга ўхшайди,— деди ўзича.— Бу ҳозир 
кулнб юборади. ҳозир кулмаса кейин, уйнга бориб кула- 
ди, бола-чақаси билан кулади! Нега мен у итваччанинг 
қулоғини шартта узиб қўлига бермадим?»
Ҳожимирсирож шошиб автобусдан тушди, боланинг 
кетидан кетди. Бола ҳамон қулоғини ушлаб борар эди, 
бир орқасига қараб Ҳожинн кўрди-ю, жадаллаб муюлиш- 
даги каттакон икки қаватлик бинога кириб кетди. Ҳожк 
уни бу ерга қочиб кирди деган ўйда эшикнинг олдида 
узоқ пойлаб ўтирди. Қуёш ботди ҳамки, бола чиқмади. 
Ҳожи аста эшикни очиб кирди. Болани пастдан топол- 
май, оёғининг учида юриб иккинчи қаватга чиқаётган эди, 
кимдир зинанинг устидаги чироғини ёқиб юборди. Ҳожи 
бир чўчиб тушди ва юқорига қаради. Юқорида ўзига маъ- 
лум Орзиқул турар эди. Ҳожи уни қаердадир қоровуллик 
қилади деб эшитган, лекин қаерда эканини билмас эди.
— Э, ҳа, Орзиқул,— деди,— бу ерда нима қилиб юриб- 
сиз? Шу ердамисиз?
— Ҳа, биз шу ерда,— деди Орзиқул, тўнининг енгнни
326
www.ziyouz.com kutubxonasi

---

кийиб.— Уғлимизга шу ердан жой теккан. Сиз нима қн- 
либ юрибсиз?
Ҳожи гангиб қолди. У «Орзиқулнинг ўгли яхши йигит