Abbatisa – ayollar katolik monastirlarining boshqaruvchilari. Abbatlik

Arelat – Burgundiya qirolligining IX–XI asr boshlaridagi nomi.
Arenda (lot. arrendare. ijaraga bermoq) – bir shaxs tomonidan boshqa bir shaxsga oʻz yerini, uyini yoki boshqa bir mulkini vaqtinchalikka yoki ma’lum bir muddatga ma’lum bir toʻlov yoki shart evaziga foydalanishga berishi.
Arianlik – IV-V asrlarda Rim imperiyasining sharqiy hududlari va german qabilalari orasida keng tarqalgan sektantlik ta’limoti. Uning asoschisi Aleksandriyalik ruhoniy Ariy boʻlib, u Iso ota-xudoga teng emas, chunki uni ota-xudo yaratgan degan fikrni ta’limotida ilgari surgan. Keyinroq daxriy ta’limot sifatida e’lon qilingan.
Arkebuza – piltali miltiq. Dastlabki oʻq otar qurol sifatida qaraladi. XV asr boshlarida paydo boʻlgan, ogʻirligi tax. 2,5-3,5 kgni tashkil qilgan.
Armanyaklar va burgundlar – Fransiyada XV asrning boshlaridagi Burgundiya gersogi Ioann Yovuz va ruhiy kasallikka chalingan qirol Karl VI Telbani nazorat qilish uchun kurashgan Lyudovik Orleanskiyning kuyovi Armanyak grafi Bernar VII boshchiligidagi siyosiy guruhlar. 1407-yilda Lyudovik Orleanskiy oʻldirilgandan soʻng hokimiyat amalda burgundlar qoʻliga oʻtadi. 1413-yilda Parijni qoʻlga olgandan soʻng tashabbus armanyaklar tomoniga oʻtib ketadi. Yuz yillik urush qayta davom etgach (1415) burgundlar 1418-yilda Parij nazoratini oʻz qoʻliga oladilar va inglizlar bilan ittifoq shartnomasini imzolaydilar (1420). A. va B. oʻrtasidagi kurash Arrasda 1435-yilda ingliz-burgund-fransuz tinchlik shartnomasining imzolanishi bilan tugadi.
Arpan – franklar davlatida yer oʻlchovi birligi. Taxminan 0,1 gektarni tashkil qilgan.
Arras – Fransiyadagi shahar. Bu yerda 1435-yilda Angliya va Fransiya oʻrtasida yarashuv kelishuv shartlarini muhokama qilish maqsadida birinchi umumyevropa kongressi toʻplangan edi. Kongress ishida bevosita ziddiyatdagi tomonlar bilan birga (Angliya, Fransiya, Burgundiya) Bazel cherkov sobori elchisi, Rim papasi legati, “Muqaddas Rim imperiyasi”, Kastiliya, Aragon, Navarra, Portugaliya, Neapolitan qirolligi, Sitsiliya, Polsha, Kipr, Bretan, Milan gersogligi vakillari ishirok etdi.
Artistlar (lot.artes. san’at) – oʻrta asr universitetlarining boshlangʻich fakultetlarida “yetti erkin san’at” oʻqitilgan. Shuning uchun ham bu fanlarni oʻqiyotgan talabalar A. deb atalgan.
Artur (kelt. artos – ayiq) – kelt eposi qahramoni, oʻrta asrlar Yevropasida “Doira stoli” ritsarlari, “Muqaddas Graal” va shu kabi qissa va afsonalarning qahramoniga aylangan.