А у д и т тошкент 2008 «Аудит» (дарслик). Тошкент Давлат иқтисодиёт университети, 2008 й. Муаллифлар жамоаси

Резерв капиталини шакллантириш ва ишлатишни акс эттириш

Хўжалик операциянинг мазмуни	Дебет	Кредит
Таъсис ҳужжатларига мувофиқ ва жорий йилнинг тақсимланмаган фойда суммаси қонунчилик ҳужжатларига мувофиқ ўрнатилган тартибда резерв капиталига йўналтирилди	8710	8520
Корхонани тугатиш натижасида резерв капитали ҳисобидан таъсисчиларга даромад (дивиденд)лар ҳисобланди	8520	6610, 6620
Резерв капитали суммаси жорий ҳисобот йилида фойда олинмаганлиги ёки фойда суммаси етарли бўлмаганлиги сабабли имтиёзли акцияларга даромад (дивиденд)лар ҳисоблаш учун йўналтирилди	8520	6610

Резерв капиталининг шаклланиши 8520 “Резерв капитали” счётининг кредитида 8710 “Ҳисобот даврининг тақсимланмаган фойдаси (қопланмаган зарари)” счёти билан боғланган ҳолда акс эттирилади.

Аудиторлик текширув жараёнида хўжалик юритувчи субъектда текинга олинган мулклар қабул қилганлигини текшириш лозим. Текинга қабул қилинган мулк ҳисобда эксперт йўли билан ёки топшириладиган ҳужжатлар асосида аниқланган қиймат бўйича акс эттирилиши лозим.
Текинга олинган мулк хўжалик юритувчи субъектнинг солиққа тортиладиган базасига таъсир кўрсатишини ҳисобга олган ҳолда текшириши лозим. Ушбу мақсадда корхона қайси солиққа тортиш тизимида фаолиятини олиб бораётганини аниқланиши лозим.
Амалдаги қонун ҳужжатларига биноан текинга олинган мулк қиймати олувчи хўжалик юритувчи субъектда фойда солиғи базасини кўпайтиради_.
Берувчи тарафда қўшилган қиймат солиғи бўйича мажбурият юзага келади.
Ягона солиқ, ягона солиқ тўлови ва ялпи даромад солиғи тўловчилари бўлган хўжалик юритувчи субъектлар текинга олинган мулк қийматини мос равишда ягона солиқ, ягона солиқ тўлови ва ялпи даромад солиғи бўйича солиққа тортиладиган базага киритишлари керак.
Текинга олинган мулк хўжалик юритувчи субъектнинг ҳисоб сиёсатига биноан амортизацияланади ҳамда мулк солиғини ҳисоблашда ҳисобга олинади.