А. Туркманов бухгалтерия ҳисoби

бешинчидан, бухгалтерия ҳисоби ва ҳисоботини ривожланиши тенденцияларини аниқлаш мақсадида илмий-амалий тадқиқотларни ўтказишни ўрганади.

Шунингдек, “Бухгалтерия ҳисоби” фани фундаментал фанлардан бири бўлиб, бошқа иқтисодий фанларни чуқур ўрганишда асос бўлиб хизмат қилади.


ЎҚУВ ДАСТУРИ
КИРИШ

Ушбу дастур иқтисодиётни модернизациялаш шароитида иқтисодиёт реал секторларида бухгалтерия ҳисобининг ўрни ва аҳамияти, бухгалтерия ҳисоби методлари ва тамойиллари, бухгалтерия ҳисобининг счётлар тизими, ҳужжатлаштириш ва инвентаризация, бухгалтерия ҳисобининг регистрлари ва шакллари, субъектлар маблағлари ва уларнинг келиб чиқиш манбаларини, пул маблағлари ҳисоби, меҳнат ва иш ҳақини ҳисобга олиш, товар-моддий захиралар ҳисоби, инвестициялар ҳисоби, асосий воситалар ҳисоби, номоддий активлар ҳисоби, маҳсулот (иш, хизмат) ишлаб чиқариш харажатлари ва маҳсулот таннархи ҳисоби, бюджетлаштириш ва харажатларни назорат қилиш, тайёр маҳсулот ва унинг сотилишини ҳисобга олиш, хусусий капитал ҳисоби, молиявий натижалар ҳисоби, ҳисоботларни тузиш ва тақдим этиш, унинг меъёрий тартибга солиниши, даромадлар ва харажатларни ҳисобга олиш ҳамда ҳозирги кунда бухгалтерия ҳисобининг ривожланиш тенденцияси, истиқболи ҳамда республикамиздаги ижтимоий-иқтисодий ислоҳотлар натижалари ва устувор вазифалари масалаларини қамрайди.

Фаннинг мақсад ва вазифалари
“Бухгалтерия ҳисоби” фаннинг асосий мақсади – талабаларда бухгалтерия ҳисобининг объектлари, яъни хўжалик маблағлари ва уларнинг келиб чиқиш манбалари, уларнинг хўжалик юритиш жараёнидаги ҳаракати, хўжалик муомалаларини ҳисобга олиш, уларни ҳужжатлаштириш ва умумлаштириш, корхона (ташкилот, муассаса)ларнинг мулкий, молиявий фаолияти ва улар тўғрисидаги тўлиқ-ишонарли маълумотларни шакллантириш ҳамда тақдим этиш, бухгалтерия ҳисобини ташкил қилиш, унинг меъёрий ҳуқуқий асослари бўйича йўналиш профилига мос билим, кўникма ва малака шакиллантиришдир.
Фаннинг вазифаси – талабаларга хўжалик юритувчи субъектлардаги маблағлар, уларнинг ташкил топиш манбаларининг ҳаракатини тўғри акс эттириш, ҳисоботларни тузиш, молиявий ҳисобот маълумотларини реаллигини таъминлаш, ташкилотлар билан ҳисоблашишларни тўғри ташкил қилишни давлатимиз қонунлари, ҳукумат қарорлари, меъёрий ҳужжатлар асосида ўргатишдан иборат.