A. Taniyev innovatsion iqtisodiyot darslik

Innovatsion rivojlanishga yordam beradigan tashqi muhitni shakllantirish

1-shakl. Innovatsion muhitni shakllantirish

Innovatsion jarayonning barcha bo‘g‘inlarida samarali ishlashini ta’minlaydigan zarur innovatsion muhitni yaratish uchun innovatsiyalarning ichki va tashqi omillarini ishlab chiqish hamda uyg‘unlashtirish zarur.

Innovatsiyalarni (biznes g‘oyalari, innovatsion loyihalar) yaratish va amalga oshirishning eng muhim sharti - bu innovatsion sub’ektlarning (tadbirkor, kompaniyani yaratadigan innovatsion guruh, operatsion kompaniya) turli xil resurslari kombinatsiyasi sifatida tavsiflanadigan zarur innovatsion salohiyat.

1. 
   intellektual resurslar (texnologik hujjatlar, patentlar, litsenziyalar, innovatsiyalarni rivojlantirish bo‘yicha biznes-rejalar, korxonaning innovatsion dasturi);
   
2. 
   material (eksperimental va instrumental baza, zamonaviy texnologik va axborot uskunalari, hududlar resursi);
   
3. 
   moliyaviy (o‘z, qarz, grantlar);
   
4. 
   kadrlar (innovatsion yetakchi, innovatsiyalarga qiziquvchi xodimlar, xodimlarning ilmiy-tadqiqot institutlari hamda
   

universitetlari bilan sheriklik va shaxsiy aloqalari, ilmiy-tadqiqot va tajriba-konstruktorlik ishlarini olib borish tajribasi, loyihani boshqarish) tajribasi;

5. 
   infratuzilma resurslari (o‘z ilmiy-tadqiqot bo‘linmalari, yangi mahsulotlarning marketing bo‘limi, patent-yuridik bo‘lim, axborot bo‘limi) shuningdek, innovatsion faoliyatni amalga oshirish uchun zarur bo‘lgan boshqa resurslar.
   

Albatta, innovatsion kompaniya yaratish bosqichida tadbirkorlar ro‘yxatda barcha turdagi resurslar bo‘lmasligi mumkin, ammo ularning mavjudligi, zarurligini anglash ham innovatsion faoliyatni to‘liq amalga oshirisha olishga intilishning o‘ta muhim shartdir.

Operatsion kompaniyada innovatsion strategiya va loyihalarni samarali amalga oshirish innovatsion salohiyatning asosiy tarkibiy qismlarining zaruriy mavjudligini talab qiladi. Bunday holatda ro‘yxatdagi manbalar turi kompaniyaning ilmiy- texnik salohiyati, ishlab chiqarish va texnologik salohiyati, moliyaviy-iqtisodiy salohiyati hamda inson resurslari sifatida tuzilishi mumkin bo‘lgan umumiy resurs salohiyatining bir qismidir (2-rasm). Demak, innovatsion salohiyat kompaniya umumiy salohiyatining bir qismidir.