А. Ш. Бекмуродов, Я. К. Карриева, И. У. Нематов, Д.Ҳ. Набиев, Н. Т. Каттаев

Қисқача хулосалар 
 

---

87 
1.Хорижий инвестициялар Ўзбекистон Республикаси иқтисодиётида 
таркибий ўзгаришларни амалга ошириш, тайёр маҳсулот ишлаб чиқариш 
кўламини кенгайтириш, экспорт ҳажмини оширишга имкон яратаётганлигига 
амин бўлиш мумкин.
2.Ривожланган мамлакатлар орасида чет эл инвестицияларини ўз миллий 
иқтисодиётига жалб этишнинг рақобат шакли йилдан-йилга кучайиб бормоқда. 
Шу боис, чет эллик инвесторларга яратилган қулайлик қайси давлатда устун 
даражада бўлса, яъни фойда олиш эҳтимоли каттароқ бўлса, табиийки, 
уларнинг айнан ўша давлат иқтисодиётига сармоя киритишга қизиқиши ортади. 
Бу эса, бозор иқтисодиётининг нисбий самарадорлик қонунига мос келувчи 
ечим ҳисобланади, яъни қаерда самара (фойда) олиш имконияти нисбатан 
юқори бўлса, тадбиркорлар ўша ердаги бозорга кўпроқ интилади. 
3.Президентимизнинг мамлакат иқтисодиёти ривожи учун ўта муҳим 
бўлган «Тўғридан-тўғри хусусий хорижий инвестицияларни жалб этишни 
рағбатлантириш борасидаги қўшимча чора-тадбирлар тўғрисида»ги ПФ-3594-
сон Фармони ишлаб чиқариш соҳаларига тўғридан-тўғри хорижий 
инвестицияни жалб этиш, юртимизнинг экспорт салоҳиятини янада 
юксалтиришда муҳим дастуриламал бўлиб хизмат қилиш билан бир қаторда, 
иқтисодиётни эркинлаштириш борасида қўйилган яна бир муҳим қадамдир. 
4.Республикамизда яратилган қулай инвестицион муҳитнинг асосий 
омиллари - республикамиздаги қулай сиёсий барқарорлик, бой хом ашё 
ресурсларининг мавжудлиги, қўшма тадбиркорликнинг ҳуқуқий асоси 
яратилганлигидир.
Назорат учун саволлар 
1.
Ҳозирги кунда мамлакатимизда фаолият кўрсатувчи хорижий 
инвестициялар иштирокидаги корхоналарга қандай имтиёзлар белгиланган? 
2.
Ўзбекистонда иқтисодий ислоҳотларни амалга оширишнинг биринчи 
босқичида мамлакат иқтисодиётига хорижий инвестицияларни кенг жалб этиш 
учун қулай инвестиция муҳитини яратиш ҳамда хорижий инвестицияларни 
жалб этиш тадбирларини амалга оширишда қайси тамойилларга асосланилди? 
3.
Ўзбекистонда хорижий инвесторлар қонуний фаолият натижасида олган 
фойдалари ва бошқа даромадларини исталганча чет давлатга ўтказиши 
мумкинми? 
4.
Қўшма корхоналарнинг ташкил этишнинг аҳамияти қандай? 
5.
Хорижий инвесторлар билан қўшма корхоналар ташкил қилиш 
мамлакатимизга қандай ижобий ўзгаришларни амалга ошириш имконини 
беради? 
6.
Ўзбекистон Республикаси Президентининг 2005 йил 11 апрелдаги 
“Тўғридан-тўғри 
хусусий 
хорижий 
инвестицияларни 
жалб 
этишни 
рағбатлантириш борасидаги қўшимча чора-тадбирлар тўғрисида” фармонининг 
моҳиятини ёритиб беринг. 

---

88 
7.
Имтиёз олган корхоналар шундай имтиёз берилган муддат тугашидан 
бир йил барвақтроқ фаолиятини тўхтатган тақдирда фойдани ўз мамлакатига 
ўтказиши мумкинми?
8.
Ўзбекистон Республикасининг “Чет эллик инвесторлар ҳуқуқларининг 
кафолатлари ва уларни ҳимоя қилиш чоралари тўғрисида”ги қонун асосида 
хорижий инвесторлар қандай кафолатларга эга бўладилар?