А. Ш. Бекмуродов, Я. К. Карриева, И. У. Нематов, Д.Ҳ. Набиев, Н. Т. Каттаев, Г. А. Абдилакимов

Инқирозга қарши мўлжалланган чоралар дастури
– Ўзбекистон 
Республикаси ҳукумати томонидан 2009-2012 йилларга мўлжалланиб инқирозга 
қарши ишлаб чиқилган чоралар дастури бўлиб, мазкур дастурда талабни 
рағбатлантиришга йўналтирилган бир қатор молиявий имтиѐзлар ва барқарор 
иқтисодий ўсиш суръатларини таъминловчи чора-табдирлар мажмуи ўз аксини 
топган. 
Инновацион технологиялар – 
иқтисодиѐтга янгиликларни татбиқ этиш 
босқичларида қўлланилувчи усул ва воситалар мажмуи бўлиб, ўз ичига жорий 
этиш, тренинг, консалтинг, трансферт, аудит, инжиниринг каби турларини 
олади. 
Инфляция – 
пул муомаласи қонунларининг бузилиши натижасида миллий 
валютанинг қадрсизланиши, нархларнинг ўсиши. 
Инфляция даражаси – 
маълум вақт ичида (ой, йил) баҳолар даражасининг 
фоиздаги ўзгариши. 
Инфратузилма
– товар ишлаб чиқариш шартларини таъминловчи ишлаб 
чиқариш т ва ноишлаб чиқариш тармоқлари комплекси: йўллар, алоқа, 
транспорт, маориф, соғлиқни сақлаш. 
Истеъмол
– ижтимоий ишлаб чиқариш жараѐнининг охирги фазаси, 
ижтимоий маҳсулотдан аҳолини иқтисодий талабларини қондириш жараѐни. 
Истеъмол кредити
– марказий банк томонидан барқарорлик даврида 
қўлланиладиган пул сиѐсати воситаси (инструменти). У банклар томонидан 
берилиши мумкин бўлган ички кредитнинг максимал миқдори расмий равишда 
белгиланишини тақозо этади.
Истеъмол товарлари 
– инсон эҳтиѐжини қондиришга мўлжалланган 
истеъмол буюмларининг товар шакли; пулга сотиб олиб, истеъмол этиладиган 
моддий маҳсулотлар ва ҳар хил хизматлар. 
Иш билан банд бўлган жами аҳоли 
– ишчи кучи (иқтисодий фаол 
аҳоли)нинг ижтимоий ишлаб чиқаришда банд бўлган қисми. 
Иш ҳақи
– жорий даврда иш берувчи томонидан ѐлланган ходимга 
бажарган ишлари учун берилган пул ѐки натура усулидаги тўловлар бўлиб, 
улар ҳисобланган суммалар йиғиндисидан ташкил топади ва икки қисмга 
бўлинади: иш ҳақи ва ижтимоий суғуртага ажратмалар. 
Ишлаб чиқариш
– маълум даврда алоҳида хўжалик юритувчи субъектлар 
тармоқлар ва иқтисодий секторлар томонидан ишлаб чиқарилган мол ва 
хизматлар қиймати.