A. R. Babajanov, A. M. Muqumov, Z. X. Xafizova yerdan foydalanishda integratsion boshqaruv

yer uchastkasidan foydalanuvchi 
– yer uchastkasidan doimiy yoki vaqtincha 
foydalanish huquqida foydalanadigan yuridik yoki jismoniy shaxs; 
yer uchastkasidan vaqtincha foydalanish huquqi 
– yuridik yoki jismoniy 
shaxsning davlat mulkidagi yer uchastkasidan davlat hokimiyati organining qarori 
bilan mahkamlangan belgilangan muddatlarda foydalanish huquqi; 
zonalashtirish
- 
hududni 
rivojlantirishning 
shaharsozlik 
jihatidan 
rejalashtirilishida shaharsozlikning foydalanish turlarini hamda bu turlardan 
foydalanishdagi cheklashlarni belgilab olgan holda uning funksional maqsadga ko‘ra 
bo‘linishi; 
ipoteka 
— ko‘chmas mulkni (er uchastkasini, bino va inshootni) yoki unga 
bo‘lgan huquqni majburiyatni ta’minlash sharti bilan garovga qo‘yish, u ushbu 
mulkni garov kreditori egaligiga topshirmasdan amalga oshiriladi; 
meros qilib qoldiriladigan yer uchastkasiga umrbod egalik qilish huquqi 
– 
fuqaroning hayot davrida amal qiladigan va uning merosxo‘rlariga belgilangan 
tartibda o‘tkazilishi mumkin bo‘lgan yer uchastkasidan yakka tartibda uy-joy qurish 
va uy-joyni obodonlashtirish hamda dehqon xo‘jaligini, shuningdek jamoa 
bog‘dorchiligi va uzumchiligini yuritish uchun foydalanish huquqi; 
 yer fondi toifasi
- bu er fondining foydalanish va muhofaza qilishning belgili 
huquqiy holatiga ega va asosiy mo‘ljallangan maqsadi bo‘yicha ajratilgan bir qismi. 
 yer turi
- bu o‘zining tabiiy-tarixiy belgilari bilan ajralib turadigan va belgili 
xo‘jalik maqsadlari uchun doimiy foydalaniladigan yoki foydalanish mumkin bo‘lgan 
yer uchastkasi. 
yer uchastkasidan doimiy foydalanish huquqi 
– yuridik yoki jismoniy 
shaxsning davlat mulkidagi yer uchastkasidan davlat hokimiyati organining qarori 
bilan mahkamlangan belgilangan muddatsiz foydalanish huquqi;