A qodiriy nomli jizzax davlat pedagogika instituti

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI


A.QODIRIY NOMLI JIZZAX DAVLAT PEDAGOGIKA INSTITUTI


SPORT TURLAINI O’QITISH METODIKASI KAFEDRASI
SPORT MAXORATINI OSHIRISH FANIDAN

“YOSH FUTBOLCHILARNING JISMONIY

TAYYORGARLIGINI OSHIRISH” MAVZUSIDA BAJARILGAN
KURS ISHI
Bajaruvchi: ____-gurux talabasi ______________


Qabul qildi: o’qituvchi ____________________

Jizzax-2022 yil
MAVZU: YOSH FUTBOLCHILARNING JISMONIY
TAYYORGARLIGINI OSHIRISH
MUNDARIJA


Kirish------------------------------------------------------------------------------------3
I bob.Ilmiy adabiyotlar tahlili------------------------------------------------------6
1.1. Yosh futbolchilarni tayyorlashda asosiy talablar ------------------------------6
1.2. Yosh futbolchilarda dastlabki jismoniy tayyorgarlik--------------------------8
1.2.1. Yosh futbolchilarda jismoniy tayyorgarlik va texnika-------------------11
1.2.2. Yosh futbolchilarning maydondagi harakatlariga tasnif------------------13
1.3. Yosh futbolchilarni mashg‘ulotlariga qo‘yiladigan talablar----------------15
2.4.1. Yosh futbolchilarni chidamkorlik sifatlarni maxsus testlarda baholash-------Xulosalar ---------------------------------------------------------------------------------
Foydalanilgan adabiyotlar---------------------------------------------------------


KIRISH


Mavzuning dolzarbligi.
Sport nafaqat jismoniy va ma’naviy sog‘lomlik asosi, balki hayotga katta umid bilan kirib kelayotgan yoshlarni turli zararli yot g‘oya va odatlardan asrash, ularga o‘z qobiliyati va iste’dodlarini to‘la ruyobga chiqarish vositasi hamdir. SHu bois so‘nggi yillarda mamlakatimizda bu borada qator huquqiy-me’yoriy hujjatlar imzolandi. 2017 yil 3 iyunda “Jismoniy tarbiya va ommaviy sportni yanada rivojlantirish choratadbirlari to‘g‘risida”gi qaror, 2018 yil 5 martda “Jismoniy tarbiya va sport sohasida davlat tizimini tubdan takomillashtirish chora-tadbirlari to‘g‘risida” gi farmonning qabul qilinishi va mazkur farmonga ko‘ra Respublika Jismoniy tarbiya va sport qo‘mitasining vazirlikka aylantirilishi, shuningdek, Vazirlar Mahkamasining 2019 yil 29 yanvardagi “O‘zbekistonda sog‘lom turmush tarzini targ‘ib qilish va aholini jismoniy va ommaviy sportga jalb etish to‘g‘risida”gi, 2019 yil 13 fevraldagi, “2019-2023 yillar davrida O‘zbekistonda jismoniy va ommaviy sportni rivojlantirish konsepsiyasini tasdiqlash to‘g‘risida”gi qarorlarining qabul qilinishi O‘zbekistonda jismoniy tarbiya va sport sohasida yangi bosqich boshlanganidan dalolat beradi.
Bu qarorlarda yosh futbolchilarni futbol bilan shug‘ullanishida zamonaviy asbob uskunalar bilan jihozlangan sport inshoatlarini qurish, jahon talablariga javob beradigan futbol maydonlarini ko‘paytirish, eng qobiliyatli yosh sportchilarni aniqlash va kelgusida ulardan yuqori malakali futbolchilar tayyorlash imkonini beradigan iqtidorli sportchi yoshlarni qidirib topish va tayyorlash tizimini tobora takomillashtirish ko‘zda tutilgan.
Futbol o‘yinida yuqori malakali futbochilarni tarbiyalash har doim ham dolzarb muammo hisoblangan. YUqori malakali futbolchilarni jismonan etuk, texnik-taktik tomonlama tayyorlash voyaga etkazish, yoshlikdan futbol sport maktablarida, internatlarida o‘quv mashg‘ulotlarini to‘g‘ri yo‘naltirish bilan bog‘liqdir.
Respublikamizda bir qancha bolalar va o‘smirlar sport maktablari, futbol maktab internatlari mavjuddir. Har bir maktab o‘ziga xos yutuqlarga ega ekanliklari sir emas.
Lekin, erishilgan yutuqlarga qaramasdan, yosh futbolchilarni o‘yin maqsadi va ularing umumiy tayyorgarligi ustida hali ancha mashaqqatli ishlar olib borilishi kerak.
Bizning mutaxassis va murabbiylar O‘zbekiston futbolida yuqori malakali o‘yinchilarda ham jismoniy tayyorgarlikni maromida emasligini takidlashmoqda. Bunga milliy terma jamoamiz safida o‘ynovchi futbolchilarning xalqaro uchrashuvlarida, o‘yin harakatlardagi kamchiliklarning ko‘rinib qolishi yaqqol misol bo‘la oladi.
O‘zbek futbolchilarining keyingi rivojlanish bosqichi to‘g‘ridan to‘g‘ri yosh bolalar va o‘smirlar futbolini rivojlantirish bilan bog‘liq. Qanchalik bolalar va o‘smirlarni tayyorlash, o‘rgatish jarayoni samarali yo‘lga qo‘yilsa keyingi futbolimiz rivojlanish bosqichi shunchalik samaraliroq kechadi.
YOsh futbolchining asosiy jismoniy sifatlarini rivojlanishi harakat ko‘nikmalarining shakllanishi bilan uzviy bog‘liqlikda kechadi. Ana shu jarayonga xizmat qiluvchi mashqlar sport trenirovkasi mashg‘ulotlariga qat’iy izchillikda va ketma-ketlikda kirishiladi. Bugungi kunda futbolchilarning jismoniy sifatlarini tarbiyalash uchun maxsus vositalardan, mashqlar majmuasidan foydalanishni taqozo etadi, shuning uchun xam biz tanlagan mavzu “Yosh futbolchilarning jismoniy tayyorgarligini oshirish” o‘zining dolzarbligi bilan ajralib turadi.
Muammoning qo‘yilishi. Zamonaviy futbol har bir futbolchidan kattagina jismoniy tayoyrgarlikni va butun o‘yin davomida aniqlik bilan harakat qilishlarini talab etmoqda, chunki jismoniy tayyorgarlikni maromida bo‘lmasligi maydonda barcha haraktlarning samarasiz tugallanishiga, jamoaning mufavvaqiyatsiz o‘yiniga olib keladi.
Yuqori malakali jamoalarda o‘yinchilarning umumiy tayyorgarligidagi nuqsonlarini tuzatish ancha qiyin. Shuning uchun bolalar va o‘smirlarning mashq jarayonlari qanchalik samarali bo‘lsa, yuksak natijalar uchun kurashlar ham shunchalik ko‘p muvaffaqiyaga olib keladi.