A qodiriy nomidagi

Ta’lim oluvchilarning bilimlarini xo lisona nazorat qilish va baholash. Psixologik-pedagogik jihatdan o‘qitish va tar­biyalash mahorati bilan uzviy bog‘liqdir. Pe­dagog ta’lim oluvchilarning bilimlari va mahoratlarini xolisona baholash tamoyillari, metodlari va mexanizmlarini bilishi, standartlashtirilgan testlarni ishlab chiqish, ta’lim oluvchilarning o‘zlashtirishini nazo­rat qilishning turli shakllarini samarali qo‘llash mahoratiga ega bo‘lishi kerak.

Pedagog mexnatining mazmuni jamiyat ehtiyojlarini aks ettiradi. U har bir tarbiyalanuvchining shaxsini jamiyat talablariga muvofiq shakllantirishga, yoshlarga ularni hozirgi ilmiy-texnika inqilobi sharoitlaridagi ijodiy mehnatga tayyorlash uchun zarur bo‘ladigan ijtimoiy-tarixiy tajribani berishga yo‘llangan.

Pedagogning bola shaxsini shakllantirishdagi etakchi rolini nazarda tutib, jamiyat unga doimo ob’ektiv tarzdagi va pedagogning yuksak zakovati hamda uning bolalar va peda­gogik faoliyatiga munosabatini belgilovchi shaxs sifatlarini egallashini kamrab oluvchi yuksak talablarni qo‘yadi.

O‘qituvchi va tarbiyachining g‘oyaviy e’tiqodi uning shaxsiy-ma’naviy sifatlari bilan uzviy bog‘langan.

Bilimdonlik - pedagog uchun shart bo‘lgan fazilat. Uning vazifasi o‘sib kelayotgan avlodga insoniyat jamg‘argan ilmiy bilimlarni ochib berishdir. O‘qituvchi fan va bilimlar yangi jamiyat qurish quroli ekanligini, shu bois xalqqa taalluqli bo‘lishi lozimligini chuqur anglagan bo‘lishi kerak. SHuning uchun u ilmiy bilimlarni o‘sib kelayotgan avlod va ommaga berishga, ijtimoiy g‘oyalarni, ahloqiy me’yorlarni va shu kabilarni etkazishga tayyor bo‘lishi kerak. Pedagogik faoliyatning bu jihati pedagoglardan chuqur bilimdonlik, fan-madaniyat, san’at, etikaning turli sohalariga oid bilimlar, zamonaviy fan yutuqlari va muammolarini bilishni talab qiladi. O‘z fanini yaxshi biladigan o‘qituvchi o‘quvchilarni qiziqtirish, ularning fikrini qo‘zg‘ash, fan va amaliyotga manfaatdor munosabatni shakllantirishga qodirdir.