A qodiriy nomidagi

Amaliy mashg`ulotning borishi:

O'quvchilarni har tomonlama yetuk, barkamol qilib tarbiyalash masalalarini muvaffaqiyatli hal etish, ularda faol hayotiy mavqeni shakllantirish, o'zlashtirish va bilim sifatini oshirish ko'p jihatdan mustaqil ta’limning samarali ishlashiga bog'liqdir. Mustaqil ta’lim o'quvchilar hayotidagi ta`lim va tarbiyaviy faoliyatni to'ldiradi. Ularning dunyoqarashi to'g'ri shakllanishiga, axloqiy kamol topishiga ko'maklashadi. Nazariy bilimlarning amaliyot ishlab chiqarishi bilan bog`lanishiga zamin yaratadi. Mustaqil ta’limga rahbarlik qiluvchi o`qituvchilarning vazifalari ham ko'p qirralidir. Ularga quyidagilar kiradi:

1. Darsdan tashqari mustaqil ta’limni to`g`ri rejalashtirish va taqsimlash.

2. O'quvchilar mustaqil ta’limining bajarilishini nazorat qilish.

3. O`quvchilar tomonidan bajarilgan mustaqil ta’limni qabul qilish va baholash hamda rag`batlantirish.

4. O`quvchilarning bo‘sh vaqtlarida mustaqil ta’limni tashkil qilishda ota-onalar hamda jamoatchilik kuchidan keng foydalanish.

Bu borada o`qituvchi kompetentligi faolligining uchta asosiy tomonini ko‘rish mumkin: tashkilotchilik, uslubiy va ma’muriy. Bular ko‘pincha o‘zaro uzviy bogiangan holda namoyon boiadi. O'quvchilarning mustaqil ta’lim ishlari o'z mazmuniga ko‘ra tafakkur faoliyati va munosabat vositasi hisoblanadi. Chunki mustaqil ta’limda olingan axborot idrok etiladi, qayta ishlanadi. Shu asosda yangi bilimlar hosil qilinadi. O‘quvchilar mustaqil ta’limni bajarish orqali turli kishilar bilan muayyan munosabatga kirishadilar. Turli vaziyatga duch keladilar. Shuning uchun ham o‘quvchilarning mustaqil ta’lim faoliyatlari qanchalik xilma-xil bo`lsa, ulaming munosabatlari doirasi shunchalik keng va ma’naviy o‘sishi samarali bo`ladi.