A qodiriy nomidagi jizzax davlat pedagogika instituti tarix fakulteti

Ko‘ppartiyaviylik-hozirgi zamon jamiyatining jaralmas belgisi, uning demokratiyalashuvi darajasining muhim poydevor ko‘rsatkichidir. Ko‘ppartiyaviylikning o‘ziga xos belgisi, bu-siyosiy xilma-xillik, jamiyatda bir necha siyosiy partiyaning mavjudligidir. Siyosiy partiyalar fuqarolarning ijtimoiy manfaatlarini parlament, davlat hokimiyati, mahalliy vakillik idoralari, aholining o‘zini-o‘zi boshqarish uyushmalari orqali ifoda etish hamda ro‘yobga chiqarish maqsadida faoliyat ko‘rsatuvchi kishilar birlashmasidir.
Partiyalar o‘z dastur va siyosatlarini ishlab chiqib, bu dastur va siyosatlarini jamiyatga taklif etish orqali ularni ro‘yobga chiqarishga harakat qiladilar. Rivojlangan mamlakatlarning tajribasi shuni ko‘rsatmoqdaki, siyosiy partiyalar jamiyatning siyosiy peshqqadam a’zolari sifatida nomoyon bo‘ladilar.
O‘zbekiston mustaqilligi e’lon qilinganidan buyon ko‘ppartiyaviylikning to‘laqonli harakat qilishi, jamiyatda turli siyosiy partiyalar faoliyati uchun huquqiy makon asoslari yaratildi va bu harakat davom ettirilmoqda.
Legalizatsiya (legallashtirish)-(lot. Legalis-qonuniy)-biron bir tashkilotning faoliyatini qonuniylashtirish, biron bir hujjatga, harakatga yuridik-qonuniy kuch berish.
Matbuot erkinligi-fuqarolarning Konstitutsiyada belgilab qo‘yilgan siyosiy huquqlaridan biri bo‘lib, Matbuot erkinligi birinchi bo‘lib 1789 yilgi Fransuz inqilobida fuqaro va insonlarning huquqlari Deklaratsiyasida e’lon qilingan edi. Matbuot erkinligi har qanday matbuot maxsulotlarini (gazeta, jurnal va hakozo) erkin nashr qilish va tarqatishni ko‘zda tutadi.
Mahalliy davlat hokimiyati organlari-Viloyatlar, tumanlar va shaharlarda (tumanga bo‘ysunadigan shaharlardan, shuningdek shahar tarkibiga kiruvchi tumanlardan tashqari) hokimlar boshchilik qiladigan xalq deputatlari kengashlari. Ular davlat va fuqarolarning manfaatlarini ko‘zlab o‘z vakolatlariga taalluqli masalalarni hal etadilar. Mahalliy davlat hokimiyati organlarining vakolatlari doirasi O‘zbekiston Respublikasi Konstitutsiyasining XXI bobida va 1993 yil 2 sentyabrda qabul qilingan “Mahalliy davlat hokimiyati to‘g‘risida”gi qonunda belgilab berilgan.