A. M. Eshmuradov, D. T. Normatova

IQ shinasi

IQ shinasi NT va chiziqli interfeyslar orasidagi boshqarish va ma’lumotlarni almashlashni ta’minlaydi, ya’ni ular orasidagi bitli oqimlarni zichlashtiradigan va zichlashtirishdan chiqaradigan qurilma hisoblanadi. IQ shinasi SANT-D yoki ADSE-A va ADLT (ADSL Line Termination – chiziqli ADSL-tugallanma) orasidagi shina tuzilmasi hisoblanadi.

IQ shinasida to‘g‘ri va teskari kanallar bo‘yicha ma’lumotlar yo‘nalishi uchun yo‘l, sinxronizator va boshqarish signallari mavjud. Interfeysning uzatish tezligi 155 Mbit/s ni tashkil etadi.

To‘g‘ri va teskari yo‘nalishlarda tashish 54 baytlardan iborat freymlar bilan jo‘natiladigan ATM-yacheykalar orqali amalga oshiriladi. To‘g‘ri va teskari yo‘nalishlarda jo‘natish 8 bitli ma’lumotlarni tashiydigan alohida shinalar bo‘yicha amalga oshiriladi.

Fizik jihatdan IQ shinasi BPA (Backpanel Printed board Assembly – orqa panel bosma platasi) shina ko‘rinishida baja-

rilgan va ADSL-stativlarda tizim platasi ko‘rinishida statsionar mahkamlangan. SANT-D yoki ADSE-A, ADLT va AACU platalari mos BPA biriktirgichlariga o‘rnatiladi. Mos ravishda IQ shinasi bo‘yicha ularning o‘zaro bog‘lanishlari amalga oshiriladi.