A k a d e m I ya r. X. Dushanov y. A. Farfiyev

 
5-topshiriq 
 
Politsiyaga qilingan qo‘ng‘iroqdan so‘ng 10 daqiqa o‘tgach inspektor Smit 
hodisa yuz bergan joyga yetib kelgan edi. U yerda yo‘l politsiyasining vakillari 
va o‘zini o‘ldirilgan va jasadi uyning mehmonxonasida yotgan mister 
Klarkningo qo‘shnisi – mister Jonson deb tanitgan odam bor edi.  
– Xo‘sh, mister Jonson, siz bu haqda nima deyaolasiz? 
– Bilasizmi, janob inspektor, taxminan 25 daqiqa avval shahardan 
qaytdim, u yerga ul-bul narsa xarid qilish uchun borgan edim. Mashinamda 
uyga yetib kelib darvozani ochdim va hovliga kirdim. So‘ngra xarid qilingan 
narsalarni mashinadan olib, uyga olib kirdim, shundan keyin mashinani 
garajga kiritib qo‘ydim va nosozlashgan karburatorni yuvishga otlandim. Shu 
paytda dahshatli qichqiriq, ketidan esa otilgan o‘q ovozi eshitildi. Bu hodisa 
soat 12 da yuz berdi, ishonch bilan shunday deyishimning boisi shundaki, 
undan roppa-rosa 10–15 soniya avval qoq tushga to‘g‘rilab qo‘yilgan qo‘l 
soatim jiringlagandi.  

---

 293 
– Keyin nima bo‘ldi? 
– Meni qoplab olgan qurquvni bosib, uyimdan 200 metr uzoqlikda 
joylashgan yo‘l politsiyasining bo‘limi tomon otildim. U yerda ikkita xodim 
bor edi. Ulardan biri politsiyani chaqirdi, ikkinchisi bilan esa biz qo‘shnimning 
uyi tomonga yugurib ketdik.  
Inspektor voqea sodir bo‘lgan joyni ko‘zdan kechirib, mister Jonsonga 
murojaat qildi:  
– Siz o‘q ovozini eshitgan joyga borsam bo‘ladimi? 
– Albatta, janob inspektor, qani yuring, – javob berdi mister Jonson. U 
inspekorni o‘ldirilgan odamning uyidan 30 metrcha masofada joylashgan o‘z 
uyi tomonga boshlab bordi.  
Inspektor Smit hovliga ko‘z yugurtirib chiqqach, shunday dedi:  
– Mister Jonson. men sizning garajingizni ko‘zdan kechirsam degandim.  
– Marhamat, janob inspektor. Lekin uning qotillikka qanday aloqasi bor? 
– Balki hech qanday aloqasi yo‘qdir, lekin men qiziquvchi odamman, – 
deb ta’kidladi komissar.  
– Ular garajga yaqinlashdilar. Jonson qulfni ochdi va inspektorni ichkariga 
kiritdi. Inspektor unga qaragach va mashinaga birov ko‘z yugurtirib 
chiqqandan keyin Jonsonga murojaat qildi;  
– Siz menga so‘zlab bergan hikoyada, balki biroz bo‘lsa ham haqiqat 
bordir, lekin shunday bo‘lsa-da, sizni nima yolg‘och gapirishga majbur 
qilganini aniqlash uchun bo‘linmaga olib borishimga to‘g‘ri keladi.  
Savol: Inspektorning bunday qaror qabul qilishiga nima turtki bo‘ldi?