A. B. Xayitov, A. M. Akbarov personalni

Modellash  —  real  vaziyatning  tasviridir.  Inson  resurslari  umumiy 
prognozlarini  tayyorlash  jarayonida  modellash  usullaridan  foydalanish  kadrlar 
qo’nimsizligining  darajasini  anglash,  bashorat  qilish  va  o’lchashga  yordam  beradi, 
shuningdek,  xizmatda  o’sishni  baholashga  dastak  bo’ladi.  Agar  tashkilot 
komp’yuterlashgan  axborot  tizimiga  ega  bo’lsa,  mavjud  ma’lumotlar  bankidagi 
axborotlardan  katta  hajmdagi  ma’lumotlarni  tez  va  chuqur  tahlil  etish  uchun 
qo’llanish mumkin. 
Personal  bo’yicha  komp’yuterlashgan  axborot  tizimidan  foyda-lanish  uchun 
maxsus  “Microprospect”,  “IMS-  Monitor”,  “IMS-  WASP”,  “IMS-  CAMPLAN 
modellaridan  foydalanish  tavsiya  etiladi.  Ulardan  qo’llashda  quyidagilarga  e’tibor 
berish lozim: 
1.Ushbu  modeldan  nima  uchun  foydalanilmoqda,  undan  qanday  natijalar 
kutilmoqda, unda qaysi prognozlarni aniqlash kerak? 
2.Ekstrapolyatsiya uchun ma’lumotlar bazasini yaratish maqsadida imkoniyat 
bor  joylarda  ma’lumotlar  muvaqqat  qatoridan  foydalanish,  ya’ni  trendlarni  tahlil 
etish. 
3.Ishchi  kuchi  tizimi  to’g’risidagi  taxminlarni  shakllantirishda  “Siz  joriy 
amaliyotni  davom  ettiradigan  bo’lsangiz  nima  ro’y  beradi?”  savolini  qo’ying,  so’ng 
“Bozor sharoitlarida, yangi texnologiyalarni qo’llashda  yuz berishi  mumkin bo’lgan 
o’zgarishlarni ko’rib chiqing” topshirig’ini bering. 
4. Ma’lumotlar  bazasini  qismlarga  bo’lish  ko’proq  aniqlik  kiritish  ehtimoli 
bo’lsa  ham  juda  kichik  raqamlarni  qo’llash  yolgon  natijalarni  keltirib  chiqarishi 
mumkin. 
5. Kadrlar  qo’nimsizligi  to’g’ri.sidagi  ma’lumotlar  bo’yicha  taxminlarning 
to’g’riligiga  ishonch  hosil  qilish  uchun  ularni  boshqa  kompaniyalarning  xuddi 
shunday ma’lumotlari bilan taqqoslab ko’ring. 
6.  Birinchi  navbatda,  modeldan  ma’lumotlar  chiqarayotganda  eng  asosiy 
natijalarni,  ayniqsa  ishchi  kuchi  tarkibidagi  o’zgarishlar,  favqulodda  katta  va  kichik 
oqimlarni izlab toping.