A. B. Xayitov, A. M. Akbarov personalni

9.3. Personal mehnatiga haq  to’lashni tashkil etish 
 
Mehnatga  haq  to’lashning  mohiyati  va  iqtisodiy  mazmuni  iqtisodiy 
nazariyaning eng muhim masalalaridan biridir. 
O’zbekiston  Respublikasining  Mehnat  kodeksi  153-  moddasiga  muvofiq: 
“Mehnat  haqining  miqdori  ish  beruvchi  bilan  xodim  o’rtasidagi  kelishuvga  binoan 
belgilanadi.  Mehnat  haqi  qonun  hujjatlari  bilan  belgilangan  eng  kam  miqdordan  oz 
bo’lishi mumkin emas va uning eng ko’p mikdori biron bir tarzda cheklanmaydi. 
Mehnat haqi shakli va tizimlari, mukofotlar, qo’shimcha to’lovlar, ustamalar, 
rag’batlantirish  tarzidagi  to’lovlar  jamoa  shartnomalarida,  shuningdek  ish  beruvchi 
tomonidan  kasaba  uyushmasi  qo’mitasi  yoki  xodimlarning  boshqa  vakillik  organi 
bilan kelishib qabul qilinadigan boshqa lokal hujjatlarda belgilanadi”
1
. 
Iqtisodiy  nazariyada  mehnatga  haq  to’lash  mohiyatini  aniqlash  yuzasidan 
ikkita asosiy konseptsiya mavjud.