А. Авлоний номидаги Халқ таълими ходимлари қайта тайёрлаш ва малакасини ошириш Марказий институти Ж. Йўлдошев, Ф. Йўлдошева, Г. Йўлдошева

Педагогик диагностика
Ҳар қандай фаолият замирида ҳам амалга оширилган ишларнинг пировард мақсади, вазифалари, кутилган натижалари бўлади.
Иш фаолияти натижаларини сарҳисоб қилиш, амалий хулосалар чиқариш, ёки бўшлиқларни белгилаб олиш, келгуси иш режаларида уни ҳисобга олиш педагогик диагностика дейилади.
Ўқувчи билимига баҳо қўйиш, уни синов ва имтихон қилиш, пировард иш натижаларини билиш, камчиликларни аниқлаш орқали галдаги вазифаларни белгилаш жараёнида педагогик диагностика усулларидан фойдаланиб келинган.
Айримлар педагогик диагностикани таклиф этилган билимларни ўзлаштириш асоси дейдилар.
Бошқалар диагностика ўқитишни жадаллаштирувчи ахборотлар деб тарғиб этадилар.
Айрим мутахассислар диагностикани эгалланган билим сифатини назорат этиш, деган фикрни айтадилар.
Бизнинг фикримизча педагогик диагностика ўқувчининг ўзлаштириш имконияти билан ўқув материаллари мутаносиблигини таҳлил, танқид, таклиф, татбиқ асосида мақсадни тўғри танлаш мезонидир.
Умуман олганда педагогик диагностика ўқув материалларини билиш жараёнинй ташкил этиш, маъқул педагогик асосни танлаб олишга замин яратади.
Ўқитувчининг педагогик маҳоратига, ўқувчининг билим даражасига пировард натижа сифатида қарашга имкон беради.
Педагогик диагностика:

• 
  Ўқувчига индивидуал таълим беришни жадаллаштиради, ривожлантиради.
  
• 
  Давлат ва жамиятнинг таълимга қўйган талабларидан келиб чиқиб, ўқувчи билимини тўғри ва адолатли баҳолашни таъминлайди.
  
• 
  Ишлаб чиқилган таълимий мезон, критерия, ўлчов орқали ўқувчининг синфдан-синфга ўтишида ёки бир йўналишга қабул қилинишида минимал талабларга жавоб беришини таъминлайди.
  

Педагогик диагностикани мактаб таълими жараёнидга қўлланиши орқали таълим-тарбия жараёни тўғри таҳлил этилади.
У тўғри хулосалар чиқаришга ва самарадорликни таъмин этишга олиб келади.
Педагогик диагностика фаолиятда
А) Таққослаш
Б) Педагогик таҳлил
В) Аввалдан башорат этиш
Г) Интерпритация
Д) Диагностика натижаларини ўқувчи, ота-онага етказиш
Е) Педагогик диагностика методларидан ўқитувчи, ўқувчи, ота-оналарни хабардор этишни таъминлайди.