A. A. Qaxxarov, yu. Sh. Avazov, U. A. Ruziyev kompyuter tizimlari va tarmoqlari

II-BOB. KOMPYUTER TIZIMLARIDA AXBOROTLARGA ISHLOV BERISH
Kompyuter tizimlari (KT) – bu ma’lumotlarga birgalikda ishlov berish uchun ishlatiladigan turli komponentlar to‘plamidir. Kompyuter tizimlarining asosiy maqsadi – kompyuterda masalalarni yechish jarayonlarini osonlashtirish. Ishlov beriladigan ma’lumotlarni ba’zida axborotlar deb hisoblash amalda mavjudligiga ko‘ra, axborotlarga ishlov berish maqsadidan kelib chiqib, axborot tizimlari va axborot-hisoblash tizimlari kabi atamalar ham qo‘llaniladi.