A. A. Azlarova, M. M. Abduraxmanova bank marketingi va menejmenti

Aksept (lat. acceptus – rozilik berilgan)
– 1) pul, hisob-kitob, tovar 
hujjatlarini yoki tovar haqini to‘lashga rozilik berish yoki to‘lashga kafillik; 2) 
taklif etilgan shartlarda shartnoma tuzishga rozilik. Aksept yetkazib berilgan 
tovarlar ichki va xalqaro tovar-pul muomalasida ko‘rsatiladigan xizmat uchun haq 
to‘lash shakllaridan biri sifatida keng qo‘llaniladi; 3) veksel, chek va boshqa 
qimmatbaho qog‘ozlar, shuningdek tovar hujjatlari bo‘yicha hisob-kitob qilish 
shakli.
Aksiya 
- bu fransuzcha «action» so‘zidan olingan bo‘lib, u aksiyadorlik 
jamiyatining ustav fondiga muayyan hissa qo‘shganligini guvohlik beruvchi,
uning egasiga foydaning bir qismini olish va odatda ushbu jamiyatini boshqarishda 
ishtirok etish huquqini beruvchi qimmatli qog‘ozdir.
Aktiv pul oboroti
- bu to‘lov jarayonlarida bevosita ishtirok etayotgan 
harakatdagi pul massasidir.
Analitik hisob
- analitik schyotlar yordamida amalga oshiriladigan hisob. 
Analitik schyotlar
- sintetik schyotlardagi (sintetik schyotga qarang) 
ma’lumotlarni tavsiflab, aniqlashtirib ko‘rsatuvchi schyotlar.
Anderreytingning turlari
- «qat’iy majburiyatlar asosidagi» anderrayting. 
Bunday sharoitda anderrayter aksiyalarning butun nashrini yoki uning bir qismini 
qat’iy narxlarda joylashtirish bo‘yicha qat’iy majburiyatlarga ega bo‘ladi. 
Asosiy vositalar
– bu moddiy ishlab chiqarish sohasida va ishlab chiqarishga 
taalluqli bo‘lmagan sohada uzoq muddat davomida (bir yildan ortiq) harakatda 
bo‘ladigan hamda ijaraga topshirilib ham foydalaniladigan moddiy aktivlardir. 
Audit
– xo‘jalik faoliyatini tekshirish, taftish va tahlil qilish
. 
Auditor
– malaka sertifikatiga ega bo‘lgan jismoniy yoki yuridik shaxsdir 
Avizo
– (ital. aviso)- bank, tijorat amaliyotida hisob-kitob harakatlarining 
bajarilganligi to‘g‘risida rasmiy xabarnoma. Bir konragent tomonidan ikkinchisiga 
jo‘natiladi. Avizo yordamida banklar o‘z mijozlarini hisob varaqalari bo‘yicha 
kirim va kredit qaydlari, hisob varaqasidagi qoldiq mablag‘lar, pul o‘tkazmalarini 
to‘lash, chek talabnomasi akkreditiv ochish va boshqa harakatlar to‘g‘risida 
xabardor qiladi. Tovar jo‘natuvchi tomonidan tovarni qabul qiluvchiga tovar 

---

182 
jo‘natilgani haqidagi xat ham avizo deb ataladi.
Bank
- moliyaviy korxona bo‘lib, u vaqtincha bo‘sh bo‘lgan pul 
mablag‘larini o‘zida saqlaydi, iqtisodiyot ob’ektlariga kreditlar beradi, korxonalar, 
muassasalar yoki alohida shaxslar bilan to‘lovlar va hisob-kitoblarda vositachilik 
qiladi, mamlakatning pul muomalasini tartibga solib boshqaradi. 
Bank aktivlari
-bank balansining aktiv qismida joylashgan moddalarining 
sifat nuqtai nazaridan uning umumiy miqdoridagi ulushi tushuniladi. 
Bank kafolati
- mijozning iltimosiga binoan tijorat banki tomonidan bo‘nak 
sifatidagi summani kontrakt shartlari bo‘yicha bajarish va kafolatlash 
Bank kapitali
- banklarga jalb qilingan va ular tomonidan kredit hisob-
kitob va boshqa operatsiyalar uchun foydalanadigan pulli kapitallar yig‘indisi, 
ya’ni bankning resurslari; 2) bank kapitalining bir qismini tashkil etuvchi 
banklarning o‘z kapitali.