9-Тема. МийНет жәМәәТЛерин жобаластырыў ҳәм БасҚАРыў

Тәбийий орталық жәми ландшафт (манзара) ҳәм әтирап –орталықтың патасланыўы төмендеги жағдайларға байланыслы:
 шийки затты рационал ислетиў дәрежеси;
 қайта ислеп шығарыўға имкани болмаған тәбийий ресурслардан пайдаланыў муғдары;
 пүтинлей жоқ болып кетиў алдында турған ҳайўанатлар саны;
 озон қатламының кемейиўи ҳәм нәтийжеде «ыссықxана таассуроти» жүзеге келиўи.
Бағдарлардың ҳәр бир белгили бир көрсеткишлери арқалы әтирап – орталықтың белгили бир тәрепинен таснифлаш мүмкин. Соның менен бирге булар маркетинг күшлериниң тәсиринеде ийе. Улыўмалық қатнас жасаў бойынша тәбийий орталықтың өзгериўи төмендеги факторлар әтирапында жүз береди: шийки зат шетиспеўшилиги (дефицит), энергияның қымбатласыўы, әтирап - орталықтың патасланыўы ҳәм тәбийий ресурслардың мәмлекет тәрепинен муўапықластырылыўы.
Маркетинг көз - қарасынан ҳәзирги шәраятда суў, азық - аўқат, ағаш, нефть, көмир ҳәмде айырым минерал түрлерин ислетиўде оқилона қатнас жасаўдың қолланылыўы үлкен әҳмийетке ийе. Энергияның қымбатласыўы, дәслеп, нефть қазыў жумыслары менен байланыслы. Олардың запаслары шекленген ҳәм кейинги қазыў процесслери жылдан - жылға ири инвестицияларды талап етпекте. Басқа (альтернатив) энергия түрлерин табыў бойынша әҳмийетли излениў ҳәм мзертлеўлер алып барылмақта. Гәп қуяш, ядро, шамал ҳ.т.б. энергия дереклери ҳаққында баратыр.
Экономикалық раўажланған мәмлекетлерде экологиялық нызамлылық барлық ўақыт беккемлеў ҳәм жүдә талапшаңлық тенденциясына ийе. Демек, бул шараятда әтирап - орталықты қорғаўшы стандартларға әмел еткен фирмалар машқалаларды шешиў мақсетинде кем күш, қурал сарыпланатуғын жол ҳәм имканиятларды әмелге ендириўлери анық.
Базар конъюнктурасы көп тәреплеме демографиялық тавсифлар ҳәм халықтың қәлиплесиўиниң тийкарғы тенденциялары менен белгиленеди. Бунда шаxсий тутыныў товарларына болған талаптың раўажланыўы ҳәм ислеп шығарыўға мөлшерленген товарлар базарындағы өзгериўлер арасында туўрындан - туўры байланыс баҳланады.