9-мавзу. Сиёсий ҳуқуқлар

9-мавзу. Сиёсий ҳуқуқлар

Оқолтин туманида яшовчи фуқаро Б. Олий Мажлис қонунчилик палатаси депутатлигига сайлов ўтказувчи 54-Бўз сайлов округи раисига Жамоатчилик назоратини амалга ошириш мақсадида мурожаат қилди. У ўз мурожаатида округ сайлов комиссияси фаолиятини жамоатчилик назоратига оид қонунчилик нормалари асосида ҳамда ўз фуқаролик позициясидан келиб чиққан ҳолда амалга оширмоқчи эканлигини таъкидлади. Округ сайлов комиссияси раиси фуқаро Б. ни бундай ҳуқуқи йўқлигини билдириб, уни Марказий сайлов комиссиясига мурожаат қилиши лозимлигини билдирди. Фуқаро Б. мазкур ҳолатдан норози бўлиб, Ўзбекистон Республикаси Конституциявий судига мурожаат қилди.

Савол:
Вазиятга ҳуқуқий баҳо беринг.
Тошкент шаҳар Адлия бошқармасида давлат рўйхатидан ўтган “Булоқ” нодавлат нотижорат ташкилоти аҳолини тоза ичимлик суви билан таъминлаш соҳасидаги қонуний ҳуқуқ ва манфаатларини ҳимоя қилиш мақсадида тузилган. Мазкур нодавлат нотижорат ташкилот бир неча бор давлат томонидан қўллаб-қувватланишга эришиш мақсадида нодавлат нотижорат ташкилотлар ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига ҳужжатлар топширган. Бироқ, ҳар доимгидек Парламент комиссияси мазкур ташкилотга маблағ ажратиш масаласида рад жавоби бериб келади. Давлат гранти олиш бўйича берилган охирги мурожаат ҳам ижобий ҳал бўлмагандан кейин “Булоқ” нодавлат нотижорат ташкилоти аъзолари умумий йиғилиш чақириш ҳамда йиғилиш кун тартибига ташкилотни ихтиёрий тугатиш ҳақида масаласини киритиш таклифини илгари суришди.
Савол:
Вазиятга ҳуқуқий баҳо беринг.