9-mavzu. Maktabgacha tarbiya davridagi bolalar psixodiagnostikasi. Reja

BOLALARNING MAKTAB TA’LIMIGA PSIXOLOGIK TAYYORLIK DARAJASI DIAGNOSTIKASIDA QO’LLANILADIGAN VOSITALAR

“Grafik diktant” metodikasi.

Maktabgacha yoshdagi bolalarning o‘quv topshirig‘ini qabul qilish, o‘quv amaliyotini bajarish, ya’ni ixtiyoriy (erkin) e’tibor rivojlanganligi darajasini aniqlashga mo‘ljallangan. Quyida L.A.Venger metodikasi tavsiya etilmoqda. «Grafik diktant» bolaning o‘quv topshiriqni qanday qabul qilishini, o‘quv harakatlarini qanday bajara olishini aniqlashtiradi.

Metodika materiali. Topshiriq varag‘i (katakli daftar varag‘i), qalam yoki ruchka

Metodikaning o‘tkazish vaqti: 5-7 daqiqa

Metodikaning qo‘llanilishi: Metodika har bir bola bilan yakka tartibda olib borilsa maqsadga muvofiq, bolaga quyidagi yo‘riqnoma bo‘yicha berilgan topshiriqni bajarish so‘raladi.

Yo‘riqnoma:

-Katakli daftar varag‘idan olish va bolaga chiroyli naqshlar chizishni o‘rgatishni taklif etish.

-Men senga chiziqni qanday tortishni aytaman, sen men aytgandek qilib chiz.

-Sen o‘ng qo‘ling qayerdaligini eslaysanmi?. To‘g‘ri, bu o‘sha qalam ushlab turgan qo‘ling. Qani uni yonga cho‘zchi. Qayerni u ko‘rsatib turibdi (eshikni va boshq).

-Demak, men qachon chiziqni o‘ng tomonga tortinglar desam sen eshik tomonga qaratib chizasan.

-Chap qo‘ling qayerni ko‘rsatyapti? (derazani yoki boshq).

-To‘g‘ri. Men qachon chap tomonga, desam sen chiziqni deraza tomongan tortasan.

-Men faqat qaysi tomonga chiziqni chizishni aytmay, balki uning o‘zunligiga qancha ya’ni, bir katak yoki ikki katak bo‘lishini ham aytaman.

-Faqat men aytgan narsani chizinglar. Chiziq tortayotganingda to‘xtab, kutib tur, qachon men yangi chiziqni qanday chizishni aytganimdan so‘ng oldingisi to‘xtagan joydan boshlash kerak.

Bolaga naqshni qayerdan boshlab chizishni ko‘rsatish (varaqning ustki chap burchagidan, chekkasidan biorz joy tashlab) va aytib turish kerak:

1)bitta katakcha yuqoriga. 2)Bitta katakcha o‘ngga. 3)Bitta katakcha pastga.

4)Bitta katakcha o‘ngga. 5)Bitta katakcha yuqoriga. 6)Bitta katakcha o‘ngga.

7)Bitta katakcha pastga. 8)Bitta katakcha o‘ngga. 9)Bitta katakcha yuqoriga. Endi o‘zing xuddi chizganingga o‘xshatib davom ettir.

«Diktant» to‘g‘ri bajarilgan holda quyidagi naqsh hosil bo‘lishi kerak: