9-мавзу. Диний экстремизм ва терроризмга қарши кураш: Ўзбекистон тажрибаси режа

Биринчидан, Жиноят кодексида экстремизм, шунингдек, диний экстремизм кўринишидаги жиноятлар тушунчаси аниқлаштирилмаган. Жиноят кодексининг бир қатор моддалари диспозициясида диний экстремизм, фундаментализм ва сепаратистик ҳатти-ҳаракатлар содир этганлик учун жиноий жавобгарлик белгиланган бўлсада, мазкур турдаги жиноят аниқ тавсифини баён этувчи, айнан қайси ҳатти-ҳаракатлар экстремистик, фундаменталистик ёки сепаратистик ҳатти-ҳаракатлар эканлиги тушунчаси берилмаган. Шу сабабли, Жиноят кодексининг саккизинчи бўлимида мазкур атамаларнинг ҳуқуқий маъносини келтириб ўтиш;
Иккинчидан, кучли жамоатчилик назоратини ўрнатиш, аҳоли, айниқса, ёшлар ўртасида терроризм ва диний экстремизм билан боғлиқ ёт ва зарарли ғоялар таъсиридан огоҳлантириш мақсадида маҳалла фуқаролар йиғинлари, корхона, муассаса ва ташкилотлар, шу жумладан, таълим муассасалари доирасида тарғибот-ташвиқот ишларини янада такомиллаштириш;
Учинчидан, терроризм ва диний экстремизм билан боғлиқ жиноятлар аксарият ҳолларда ахборот технологиялари ҳамда компьютер воситалари, Интернет тармоғидан фойдаланиб содир этилаётганлигини эътиборга олиб, терроризм ва диний экстремизмга қарши самарали курашиш мақсадида миллий интернет сегментини муҳофаза қилиш, интернет орқали террористик ва диний экстремистик ташвиқот олиб боришни чеклашни назарда тутувчи қонун ҳужжати ишлаб чиқиш;
Тўртинчидан, Ўзбекистон Республикасининг “Экстремизмга қарши кураш тўғрисида”ги Қонунини қабул қилиш диний экстремизм ва терроризмга қарши курашишда муҳим қадам бўлади.

1^ Бу ҳақда тўлиқроқ маълумот олиш учун қаранг.И.Каримов. Ўзбекистон ХХ1 аср бўсағасида: хавфсизликка таҳдид, барқарорлик шартлари ва тараққиёт кафолатлари. Т.: “Ўзбекистон”- 1997.