9-Мавзу: Буғлаткичлар турлари ва қурилмалар конструкциялари Буғлатиш усуллари

Юпқа қатламли (плёнкали) буғлаткичлар юқори температурага чидамсиз эритмаларни қуюқлаштириш учун қўлланилади. Қурилма трубалари орқали эритманинг бир марта ўтиши натижасида буғлатиш жараёни содир бўлади.
Эритманинг ҳаракат йўналишига қараб, кўтарилувчи ва пастка оқиб тушувчи юпқа қатламли буғлаткичларга бўлинади.
Ю
пқа қатламли буғлаткичлар иситувчи камера ва сепаратордан таркиб топган бўлади.
Иситувчи камера трубалари 7...9 м узунликда бўлиб, сув буғи ёрдамида иситилади.
4.58а-расмда кўтарилувчи қатламли буғлаткич кўрсатилган. Бошланғич эритма узлуксиз равишда иситувчи камеранинг пастки қисмига юборилади ва трубаларнинг 20..25% узунлигини тўлдириб туради. Трубаларнинг қолган қисми буғ - суюқлик аралашмаси билан банд бўлади.
Ушбу аралашма труба деворида юпқа қатламли суюқликка ва унинг ўқида буғ агрегат ҳолатига ажралган бўлади. Буғ оқими ҳаракати пайтида суюқлик қатламига ишқаланиш оқибатида юпқа қатлам турбулизацияга учрайди ва унинг юзаси жадал равишда янгиланиб туради. Шу омиллар ҳисобига юқори иссиқлик ўтказиш коэффициенти ва катта буғлатиш юзасига эришилади.