9-ma’ruza topshiriqqa javoblar Mavzu: O’quvchilar o’zlashtirishini hisobga olish va baholash

O’quvchilar o’zlashtirishining sifat ko’rsatkichlari

O’zlahstirishga baho qo’yish o’quvchilar ishi sifatini oshirib borishning muhim vositasidir. O’quvchilarning kimyo fanini o’zlashtirishni uchta ko’rsatkich bilan: a) bilim va amaliy o’quvchilar hajmi; b) bilim va o’quvlar sifati c) bilim va o’quvlar aniqlash shakillari bilan ta’riflanadi.

Bilimlar hajmi o’quv dasturi bilan belgilanadi. Dasturga ko’ra o’quvchilarning eng muhim modda va reaksiyalarni, asosiy nazariya, tushuncha va qonunlarni bilish-bilmasligini, kimyoviy tildan, eng muhim kimyoviy tajriba usullardan foydalanishni, shuningdek, o’zlarining nazariy bilimlarini masalalar yechishda va amaliy hayot masalalarini hal qilishda tadbiq etishini tekshirib ko’rish kerak. Bilimlar sifati aniqligi, tushunilganligi tizimliligi, to’g’riligi puxtaligi bilan ifodalanadi. Bilim va o’quvlarni aniqlash shakillari ham o’quvchilarning o’zlashtirishini tavsiflashda katta ahamiyatga ega.

O’quvchilarning kimyo fanidan o’zlashtirishini baholash taxminan quyidagicha belgilanadi.

Masalan, og’zaki javobga o’quvchi:

1. 
   Berilgan savollarga to’la javob bersa, asosan mavzuni ham, qo’shimcha mavzuni ham bilsa;
   
2. 
   Kimyoviy tushunchalarning ta’rifini, kimyoviy qonunlarning ifodalarini aniq bilsa;
   
3. 
   Moddalar va hodisalar to’g’risida aniq, ongli bilimlarga ega bo’lsa;
   
4. 
   O’z bilimlarini amaliy masalalarni hal qilishda tadbiq eta olsa;
   
5. 
   Mavzuni izchillik bilan bayon etsa;
   
6. 
   Asosiy qo’shimcha savollarga mustaqil sur’atda javob bersa, bunday o’quvchiga “5” baho qo’yiladi