9-маъруза. Пойдеворлар ва уларнинг констурктив ечимлари

3.Пойдеворларнинг конструктив схемалари.
Конструктив
схемаси
бўйича
пойдеворлар
лентасимон
(тасмасимон), алоҳида турувчи (устинсимон), яхлит ва қозиқ
пойдеворларга бўлинадилар (9.3.1-расм). Грунтга қўйилиш
чуқурлигига қараб пойдеворларни саёз (5 м гача) ва чуқур (5 м
дан чуқур) пойдеворларга ажратиш мумкин. Лентасимон
пойдевор барча асосий деворларнинг остида қилинади. Бинодан
тушадиган юклар кўп бўлган ҳолларда устунлар остида ҳам
лентасимон пойдеворлар қилиниши мумкин (9.3.1-расм, а).

---

Устун пойдеворлар орасидаги масофа 2-3 м бўлиши мумкин.
Устин пойдеворларга пойдевор балкалари ўрнатилади ва
уларнинг устидан девор қилиш мумкин (9.3.1-расм, б). Устин
пойдеворлар грунт мустаҳкам, лекин унга бинодан тушадиган
юк кам бўлган ҳолларда мақсадга мувофиқ ҳисобланади. Грунт
шароити туфайли пойдеворни чуқур жойлаштиришни талаб
қилинган ҳолларда ҳам устин пойдеворлардан фойдаланган
маъқул.
Яхлит пойдеворлар пойдеворга тушадиган юк кўп, грунт эса
кучсиз бўлган ҳолларда бино остини тўлиқ эгаллайдиган плита
қилиб бажарилади. Улар яхлит плита тарзида монолит бетондан
қилинади. Плита текис ва қовурғали бўлиши мумкин. Қовурғаси
пастга ва юқорига қараган бўлиши мумкин (9.3.1-расм, в).
Қозиқ пойдеворлар кучсиз грунтларга катта юкларни узатиш
керак
бўлганда
ишлатиладилар.
Бундай
пойдеворлар
қозиқлардан, ростверкдан иборат бўладилар (9.3.1-расм, г).
Қозиқларнинг ўзи бетондан, темирбетондан, айрим ҳолларда
ёғочдан ва металдан қилиниши мумкин. Уларни ерга зарба,
вибрация, бураш усуллари билан киргизиш мумкин ёки
олдиндан ковланган қудуқ-ларга бетон қўйиш йўли билан
тайёрлаш мумкин.

---

9.3.1-расм. Пойдеворларнинг конструктив ечимлари:
а - лентасимон пойдевор; б - алоҳида турувчи пойдевор; в - яхлит
пойдевор; г - қозиқ пойдеворлар.

---