9 май «Хотира ва қадрлаш куни»да меҳнат ва уруш фахрийлари билан учрашув ҳақида маълумотнома

9 май - «Хотира ва қадрлаш куни»да меҳнат ва уруш фахрийлари билан учрашув ҳақида маълумотнома
Жорий йилнинг 8 май куни мактабгача таълим ташкилотининг мактабга тайёрлов гуруҳ тарбияланувчилари билан биргаликда маҳалла ҳудудида яшовчи уруш қатнашчилари, фахрийлар билан учрашувлар ташкил этилди. Учрашувларда болалар уруш қатнашчиларини уларнинг байрамлари билан табриклаб шеър ва ашулалар айтиб бердилар.
Ташкилот тарбияланувчиларини ҳар бир хонадон эгалари хурсандчилик билан кутиб олдилар. Учрашув давомида уруш фахрийларининг ҳаёт йўллари, бўлиб ўтган воқеалар тўғрисида болаларга гапириб бердилар. Болалар томонидан берилаётган ҳар бир саволга уруш қатнашчилари тўлиқ давоб бериб, ўзларининг насиҳатлари билан дуо қилиб болаларни ширинликлар билан меҳмон қилдилар.
Уруш фахрийлари болалар билан суҳбат жараёнида бугунги кун, яъни мустақиллик кунларида беқиёс ўзгаришлар содир бўлганлиги, бунинг қадрига етиб, Ватан учун содиқ фарзанд бўлиб вояга етишишни насиҳат қилдилар. Ҳар бир фарзанднин ўз Ватани олдидаги бурчи нималардан иборат эканлиги, юртнинг мустақиллиги улуғ неъмат эканлигини қайта-қайта таъкидладилар. Болалар уларнинг ҳар бир гапларини диққат билан кузатиб тегишли хулоса чиқариб, ўзгача кайфиятда муассасага қайтиб ўзаро бир-бирлари билан фикр алмашдилар.
Меҳнат ва уруш фахрийлари болалар ва ташкилот ходимларига ўз миннатдорчилигини билдириб, бундай учрашувларни кўпроқ ташкил этиб туриш истагини билдирдилар.


ДМТТ методисти: Б.Қўнғиратова