9-amaliy mashg’ulot Mavzu: G’o’za yetishtirishda bajariladigan agrotexnik tadbirlar rejalarini tuzish. Mashg‘ulotning maqsadi

Ishni bajarish tartibi

О‘qituvchi qisqa qilib paxta yetishtirish bо‘yicha respublikamiz mintaqalari, ularning xususiyatlari, tuproq-iqlim sharoitga kо‘ra paxta yetishtirishning yillik texnologik rejasini ishlab chiqishni tushuntiradi. Sо‘ngra kichik guruhlarga quyidagi ma’lumotlar asosida paxtadan yuqori hosil yetishtirish bо‘yicha taxminiy yillik texnologik kalendar reja tuzish uchun aniq topshiriqlar beradi:

a) paxta yetishtirish bо‘yicha birinchi mintaqa. Gektaridan 30-35 s hosil yetishtirish kerak. Mineral о‘g‘it yillik me’yori: azot 200 kg, fosfor 130 kg, kaliy 100 kg. G‘о‘zani sug‘orish sxemasi 2-4-1.

b) paxta yetishtirish bо‘yicha ikkinchi mintaqa. Gektaridan 40-45 s hosil yetishtirish kerak. Sizot suvi shо‘rlanmagan. О‘tloq tuproqli yer, mineral о‘g‘itlarning yillik me’yori gektariga: azot 250-300; fosfor 200-240 va kaliy 125-150 kg. G‘о‘zani sug‘orish sxemasi 1-3-1.

c) paxta yetishtirish bо‘yicha uchinchi mintaqa. Sizot suvi shо‘rlangan о‘tloqi tuproq. Paxtadan gektariga 40-45 s hosil olish kerak. Mineral о‘g‘it me’yorlari gektariga: azot 250-300; fosfor 200-240 va kaliy 80-100 kg. G‘о‘zani sug‘orish sxemasi 1-2-1.

Mazkur mavzuni o’rganish jarayonida talaba namuna sifatida ko’rsatilgan markaziy (Toshkent viloyati, Farg’ona vodiysi) mintaqa misolida o’rganib chiqib, janubiy (Surxandaryo, Qashqadaryo viloyatlari) va shimoliy (Qoraqalpog’iston Respublikasi, Xorazm viloyati) mintaqalar uchun ishlaydilar.

Buning uchun kuzgi ishlar markazga nisbatan janubda 15-20 kun keyin, shimolda 10-15 kun oldinroq, bahordagi ishlar esa aksincha janubda 15-20 kun ilgari va shimolda 10-15 kun keyinroq boshlanishini hisobga olish lozim. O’suv davrida bajariladigan ishlar ham xuddi bahordagi ishlar kabi amalga oshiriladi. Jadvalni ma’lumotlarga asoslanib to’ldiring.

Talabalar, avval mashg‘ulot matni va paxta yetishtirish bо‘yicha bajariladigan ayrim texnologik jarayonlar namunasi (jadval) bilan tanishadilar va qisqacha yozib oladilar. Keyin berilgan topshiriq ma’lumotlari asosida paxta yetishtirish bо‘yicha yillik taxminiy texnologik kalendar reja tuzadilar. Amalga oshirilgan ishlar bо‘yicha kichik guruhlar taqdimot о‘tkazadilar. Bajarilgan ishlar natijalari muhokama qilinadi.