9- мавзу : Гломерулонефрит. Касалликни кечиши ва даврига боғлик холдаги

2. Ренал симптомларга
– қуйидагилар киради: олигурия, сийдик рангининг («гўшт 
сели»дек) ўзгариши, гематурия (микро-, макро-), бўйрак капсуласи чўзилиши сабабли, 
белдаги оғриқ, азотемия, протеинурия, цилиндрурия. 
ЎСГН даги ҳар бир симптом ва синдромларнинг патогенези 
1. Сийдик синдроми: 
(олигурия, протеинурия, гематурия, цилиндрурия). 
А) Олигурия 
– суткалик диурез 50-80% дан ѐки 300 мл/м2/сутка дан озайишидир. 
Гломерулонефритда нефронлар фаолиятининг пасайишидан келиб чиқади. Бундан 
ташқари томир ичи тромби, қон томир эндотелийси ва подоцит шиши, эндотелий ва 
мезонгиум пролиферацияси натижасида фильтрация озаяди, коптокчалар фаолияти 
сусаяди, натижада қон томирларда суюқлик тутилиб қолади «умумий овқатланиш ҳажми 
кўпаяди – гиперволемия», гиперальдостеронизм келиб чиқади, натрийурия озаяди. 
Олигурия келиб чиқишида сувнинг нефрон дистал каналчаларида қайта сўрилишининг 
кучайиши яъни «антидиурез» (АДГ секрециясининг кучайиши туфайли) сабабдир. 
Сийдикнинг солиштирма оғирлиги 1,030 дан юқори. 
Б) Протеинурия
– ЎСГН даги доимий белгидир. Кўпгина беморларда сийдикда 
оқсил миқдори 1 г/л дан (яъни бир суткада сийдик билан оқсилнинг ажралиши 1г дан) 
ошмайди. 
Бу белги бир неча кундан 2 ҳафтагача чўзилади. ЎСГН даги протеинурия селектив, 
яъни танланган – сийдикда молекуляр оғирлиги 85000 дан оз бўлган оқсил, асосан 
альбумин оқсили сийдикда пайдо бўлади. 
Протеинуриянинг сабаби – коптокчалар фильтридаги гемодинамик бузилиш, оқсил 
реабсорбциясининг пасайиши, коптокчалардаги қон томирлар ўтказувчанлигининг 
ошишидир. 
В) Гематурия
– ЎСГН да 100% беморларда учрайди. Коптокчалардаги капилляр 
томирлар деворининг ўтказувчанлиги бузилади, натижада per diapedesum ѐки қон 
томирларининг ѐрилиши туфайли эритроцитлар капсулага чиқиб, сўнгра каналчалар 
орқали сийдикка ўтади.