86-Biznes subyektlarining xo’jalik faoliyati sohasidagi huquqbuzarliklariuchun moliyaviy javobgarligini erkinlashtirish masalalari

86-Biznes subyektlarining xo’jalik faoliyati sohasidagi huquqbuzarliklariuchun moliyaviy javobgarligini erkinlashtirish masalalari… Xo‘jalik yurituvchi subyektlarning huquqlari va qonuniy manfaatlarini himoya qilish tizimini yanada takomillashtirish, tadbirkorlik faoliyatini amalga oshirish uchun qulay huquqiy va iqtisodiy shart-sharoitlarni shakllantirish maqsadida, shuningdek javobgarlikni qo‘llashning xalqaro umumhuquqiy prinsiplaridan kelib chiqqan holda:1. Belgilansinki, tadbirkorlik subyektlari tomonidan birinchi marta sodir etilgan, qasddan qilinmagan va kam ahamiyatli, shuningdek Davlat budjeti va davlat maqsadli jamg‘armalariga to‘lovlar kamroq tushishiga olib kelmaydigan huquqbuzarliklar uchun mansabdor shaxslarga nisbatan qonunda belgilangan tartibda materiallarni sud organlariga taqdim etmasdan faqat ma’muriy javobgarlik choralari qo‘llaniladi.2. Materiallar sud instansiyalariga topshirilgan hollarda, tadbirkorlik subyekti soliqlar va boshqa majburiy to‘lovlarni to‘lamaganlik uchun sodir etilgan huquqbuzarlik tufayli yetkazilgan zararning o‘rnini bir oy mobaynida ixtiyoriy ravishda qoplagan hamda uning oqibatlarini bartaraf etgan, jumladan penya to‘lagan tadbirkorlik subyekti moliyaviy sanksiyalar qo‘llanilishidan ozod etilishi belgilab qo‘yilsin.3. Jamiyat hayotining barcha tomonlarini erkinlashtirish va yanada isloh qilish sohasidagi qonunchilik bazasini takomillashtirish hamda ma’muriy islohotlarni amalga oshirish borasidagi faoliyatni muvofiqlashtirish bo‘yicha respublika komissiyasining tadbirkorlik subyektlarining xo‘jalik sohasidagi huquqbuzarliklari uchun moliyaviy javobgarligini erkinlashtirish chora-tadbirlari to‘g‘risidagi takliflari ilovaga* muvofiq ma’qullansin. Vazirlar Mahkamasi ilovada ko‘rsatilgan takliflarni belgilangan tartibda O‘zbekiston Respublikasi Oliy Majlisining Qonunchilik palatasiga kiritsin, shuningdek O‘zbekiston Respublikasi Hukumatining qarorlarini ularga muvofiqlashtirsin.4. O‘zbekiston Respublikasi Adliya vazirligi O‘zbekiston Respublikasi Moliya vazirligi, Iqtisodiyot vazirligi, Davlat soliq qo‘mitasi, Savdo-sanoat palatasi hamda boshqa manfaatdor vazirliklar va idoralar bilan birgalikda: o‘n kun muddatda — huquqbuzarlik va uning oqibatlari xususiyatiga qarab moliyaviy sanksiyalar bekor qilinishi yoki miqdorlari kamaytirilishini, shuningdek ayrim huquqbuzarliklar uchun javobgarlikni tadbirkorlik subyektlaridan ularning mansabdor shaxslari zimmasiga yuklashni nazarda tutuvchi qonun hujjatlariga o‘zgartish va qo‘shimchalar to‘g‘risidagi takliflarni; bir oy muddatda — qonun hujjatlariga ushbu Farmondan kelib chiqadigan o‘zgartish va qo‘shimchalar to‘g‘risidagi takliflarni Vazirlar Mahkamasiga kiritsin.5. Mazkur Farmonning ijrosini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.