Иккинчидан, бир диннинг бошқа дин, бир эътиқоднинг бошқа эътиқодга нисбатан имтиёзли бўлишининг олди олинади;
Учинчидан, дин маънавий маданиятда ўзига муносиб ўрин эгаллайди;
Тўртинчидан, бирон-бир диннинг сиёсийлашмай, софлиги сақланади;
Бешинчидан, ёшларнинг диндорликни диний мутаассибликдан фарқлашга ақллари етадики, бу ўз-ўзидан диний партиялар тузиш беҳуда, зарарли иш эканлигини аён қилади.
Ўзбекистон давлати ўз фуқароларининг диний эътиқодларини ҳурмат қилади. Айни пайтда, диндорлар ва диний ташкилотлар Ўзбекистон Республикаси Конституцияси ва қонунларида белгилаб қўйилган қуйидаги талабларга ҳам риоя этиши лозим:
Ўзбекистон Республикаси Конституцияси ва қонунларига риоя этиш;
диндан давлатга ва Конституцияга қарши тарғибот олиб бориш, миллатлараро адоват уйғотиш ва фуқаролараро тотувликни бузиш воситаси сифатида фойдаланмаслик;
- диний ташкилотларнинг давлат рўйхатидан ўтиши;
- диний ўқув юртларида диний фанларни ўқитаётган шахсларнинг диний таълим олган бўлишлари ва диний ташкилот раҳбарияти рухсати билангина ўқитиш ишларини олиб боришлари;
- диндорлардан мажбурий пул йиғими йиғмаслик ва тўловлар ундирмаслик;
- тақиқланган ғояларни, адабиётларни, кино, фото ва видео маҳсулотларни тарқатмаслик ва ишлаб чиқармаслик.
Ўзбекистон давлатида яна қуйидагилар ман этилган:
- диний моҳиятдаги сиёсий партия ва жамоат ҳаракатларни тузиш. Бу ҳақда Ўзбекистон Республикаси Конституциясининг 57-моддасида аниқ ифода қилинган.
Айни пайтда, Республикамизда чет давлатларда тузилган диний партияларнинг бўлимлари тузилиши ҳам таъқиқланади:
террорчилик, наркобизнес ва уюшган жиноятчиликка кўмаклашадиган, шунингдек, бошқа ғаразли мақсадларни кўзловчи диний ташкилотлар, оқимлар, секталарнинг фаолият кўрсатиши;
диндорлар ва диний ташкилотларнинг давлат ҳокимияти ва бошқарув органларига тазйиқ ўтказиши;
- яширин диний фаолият билан шуғулланиш;
давлат рўйхатидан ўтмаган диний ташкилотларнинг фаолият кўрсатиши;
- диний ташкилотлар хизматчиларининг Ўзбекистон Республикаси Президентлигига номзодининг рўйхати олиниши;
- диний ташкилотлар хизматчиларининг хокимият вакиллик органлари депутатлигига номзод этиб рўйхатга олиниши.
Қонуннинг юқорида қайд этилган қоидаларига амал қилмаган фуқаролар жиноий жавобгарликка тортиладилар. Диний ташкилотлар фаолияти эса тугатилади.
Давлат ва диний ташкилотлар қонунга оғишмай амал қилсалар, жамиятда сиёсий барқарорлик мустаҳкам бўлади ва фуқаролар тотувлилиги тўла қарор топади.
Конституциядан:
«Ўзбекистон Республикасида барча фуқаролар бир хил ҳуқуқ ва эркинликларга эга бўлиб, жинси, ирқи, миллати, тили, дини, ижтимоий келиб чиқиши, эътиқоди, шахси ва ижтимоий мавқеидан қатъи назар қонун олдида тенгдирлар»
(18-модда)
«Ҳамма учун виждон эркинлиги кафолатланади. Ҳар бир инсон ҳоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди».
(31-модда)
«Конституциявий тузумни зўрлик билан ўзгартиришни мақсад қилиб қўювчи, республиканинг суверенитети, яхлитлиги ва хавфсизлигига, фуқароларнинг конституциявий ҳуқуқ ва эркинликларига қарши чиқувчи, урушни, ижтимоий, миллий, ирқий ва диний адоватни тарғиб қилувчи, халқнинг соғлиги ва маънавиятига тажовуз қилувчи, шунингдек харбийлаштирилган бирлашмаларнинг, миллий ва диний руҳдаги сиёсий партияларнинг ҳамда жамоат бирлашмаларининг тузилиши ва фаолияти таъқиқланади».
(57-модда)
Do'stlaringiz bilan baham: |