8-mavzu: Farmoyish hujjatlari. Farmoyish hujjatlarining turlari, xususiyatlari. Buyruq, farmoyish, ko’rsatmalar bilan taninshish

Kadrlar shaxsiy tarkibiga oid buyruq namunasi

O‘zR Toshkent viloyati Bekobod tumani Oybek nomidagi agrofirma KADRLAR SHAXSIY TARKIBIGA OID 2010.14.04. № 28 Zafar sh. BUYRUQ § 1 Agrofirma bosh hisobchisi Karim Soatovich HOTAMOV 2010.14.04 dan Toshkent Davlat agrar universitetiga 2 oylik malaka oshirish kursiga xizmat safariga YUBORILSIN. Asos: Toshkent viloyati qishloq ho‘jaligi boshqarmasining 2010.14.04 dagi 212-raqamli farmoyishi. § 2 K.S.HOTAMOV Toshkentda 2 oylik malaka oshirish kursida bo‘lishi davrida agrofirma bosh hisobchisi vazifasi moddiy bo‘lim hisobchisi Mamedov Rahmon Xoliq o‘g‘liga YUKLATILSIN. § 3 Kassir Xayrixon QODIROVA shtat jadvalidagi maosh bilan mehnat haqi bo‘limiga hisobchi qilib TAYINLANSIN. Asos: Agrofirma raisi o‘rinbosari K.SHermatov tavsiyasi § 4 Muhandis M.Abdumalikov navbatdagi mehnat ta’tilidan qaytib, 2010.16.04 dan o‘z vazifasini bajarishga tushdi deb hisoblansin. Direktor (imzo) S.Boybekov

Ko‘rsatma - idoralarda axborot-metodik tusdagi masalalar, shuningdek buyruqlar, yo‘riqnomalar va boshqa hujjatlarning ijrosi bilan bog‘liq tashkiliy masalalar yuzasidan chiqariladigan huquqiy hujjat. Ko‘rsatmalarga birinchi rahbar, shuningdek lozim bo‘lsa, bosh muhandis, ularning o‘rinbosarlari imzo chekish xuquqiga ega. Ko‘rsatma muassasaning xos ish qog‘oziga bosiladi. U ham bo‘yruq kabi, odatda, sarlavha bilan yoziladi, asos (kirish) farmoyish qismlaridan tarkib topadi. Asos (kirish) qismida, falon «maqsadda», falon «bo‘yruqni bajarish uchun» kabi taomilga kirgan iboralar qo‘llaniladi va «YUKLAYMAN», «TAVSIYA ETAMAN» so‘zlari bilan farmoyish qismi boshlanadi. Muayyan xodimga uning xizmat lavozimi vazifalariga kirmaydigan ishlar yuklatilsa, «TAVSIYA ETAMAN» so‘zi qo‘llaniladi. Ko‘rsatmaning farmoyish qismi buyruqning farmoyish qismiga o‘xshash bo‘ladi.