8-ma’ruza. Massivlar bilan ishlash. Murakkab turlar massivlar, bir o‘lchovli massivlarni dasturlash tilida ifodalanishi asosida dastur yaratish. Ikki o‘lchovli massivlar Reja

Massivlarning ishlatilish sababi. Siz dasturni yozyapsiz, unda foydalanuvchi beshta butun sonni kiritishi va ularni ekranga chiqarishi mumkin. Ushbu vaziyatni hal qilishning usullaridan biri dasturda beshta alohida butun o'zgaruvchini e'lon qilish va ularda ko'rsatilgan qiymatlarni saqlashdir. Bunday e’lon qilish quyidagicha bo’lishi mumkin:


int firstNumber = 0;
int secondNumber = 0;
int thirdNuinber = 0;
int fourthNumber = 0;
int fifthNumber = 0;

Ammo agar foydalanuvchi 500 va undan ortiq sonlarni saqlashi va aks ettirishi kerak bo'lsa, u holda yuqoridagi tizim yordamida 500 ta shunday butun o'zgaruvchini e'lon qilishi kerak edi. Buni amalga oshirish uchun ko'p mehnat va sabr-toqat kerak. Agar foydalanuvchi 5 o'rniga 500 000 butun sonni so'rasa nima bo'ladi? Har biri nolga tenglashtiriladigan beshta butun sonli qatorni e'lon qilish to'g'riroq:

int myNumbers[5] = {0};

Shunday qilib, agar 500000 ta butun sonni berishni so'rashgan bo'lsa, unda massivni muammosiz oshirish mumkin:

int manyNumbers[500000] = {0};


Besh belgidan iborat massivni quyidagicha aniqlash mumkin:


char myCharacters[5];

Bunday massivlar statik massivlar deb ataladi, chunki ular tarkibidagi elementlarning soni, shuningdek ularga ajratilgan xotira hajmi kompilyatsiya vaqtida o'zgarmaydi. Dinamik massivlar haqida kursimizning keyingi mavzularida tanishamiz.

Statik massivlarni e'lon qilish va initsializatsiyalash. Yuqoridagi kod satrlarida biz 0 qiymat bilan initsializatsiyalangan beshta int elementni (ya'ni butun sonlarni) o'z ichiga olgan myNumbers deb nomlangan massivini e'lon qildik. Shunday qilib, C++ da massivni e'lon qilish uchun sintaksis quyidagicha:


element_tipi Massiv_nomi [Elementlar_miqdori] = {Boshlang’ich_qiymatlar-majburiy emas}


Massivni e'lon qilish bilan bir qatorda shu zahoti uning barcha elementlari initsializatsiyalash mumkin. Shunday qilib, beshta butun sonli qatorni besh xil butun sonli qiymatlar bilan initsializatsiyalash mumkin: