8-mart Xalqaro xotin-qizlar kuniga bag’ishlangan tadbir ssenariysi 8-mart tarixi O’quvchi so’zlab beradi

I boshlovchi:

Bu  kun o’zgachadir  jumlayi  olam,

Bu  kun  o’zgachadir  borliqda  xanda.

Bu  kun  ko’zlarimga  hatto  quyosh  ham 

Shafaq  gulshanidek  porlab  sochmoqda

II boshlovchi:

Bugun  shunday  quvonch,  shunday  shodyona,

Bugun  quvonchlarga  to’lar  bu  jahon.

Tonggacha  yangrasin    kuy,  qo’shiq,  navo,

Bayramingiz  muborak,  aziz ayollar!

I boshlovchi:

 Assalomu alaykum,qalbi nurli saxovatga to’la, mehri daryo uztozlar, hamda hurmat va ehtirom ila ushbu dargohga tashrif  buyurgan kursdosh qizlar va opa-singillar!  Mana,  o’lkamizda  o’zining ajib bir sehri bilan  bahor  fasli  ham  o’z  sepini  yoymoqda. Sizlarni o’z husni-  tarovati ila o’ziga maftun qilayotgan bahor  oyining  ilk  bayrami 8-mart-Xalqaro xotin-qizlar kuni bilan muborakbod etamiz.

Hozirda tadbirimizni ochib berish uchun so’z navbatini guruh rahbarimiz Umirbek domlaga beramiz!!!

Tadbir  o’qituvchining  kirish  so’zi  bilan  boshlanadi.

II boshlovchi:

Bugungi  bayram  tadbiri  har  birimiz   uchun  ulug’  va  tabarruk  siymo  bo’lgan  onajonlarimiz va opa-singillarimizga  bag’ishlangan.

(Sahnaga  5  nafar  o’quvchi  chiqadi).