8-март табриги

8-МАРТ ТАБРИГИ
Биз бугун яратганнинг буюк мўжизаси бўлган, ҳаёт давомийлиги ва абадийлигини ўзида мужассам этган аёл зотини, табаррук оналарни улуғлар эканмиз беихтиёр мутафаккир бобомиз Алишер Навоийнинг “Жаннат оналарнинг оёғи остидадир” деган мазмунли сўзларини эслаймиз ва муқаддас она сиймоси олдида таъзим қиламиз.
Ўзининг латофати ва нафосати, вафо ва садоқати, қалб саховати билан оилани оила қиладиган, хонадонларимиз бекаси ва чароғбони бўлмиш Сиз, мунис аёлларимизга ҳар қанча тасаннолар айтсак, сизларни ҳар қанча эъзозлаб, бошимизга кўтарсак, арзийди, албатта!!!!!
Эй эркаклар! аёлингизни хотин эмас хоним деб айтинг,
Ичингизда мардлари бўлса, суюклигим йорим деб айтинг.
Хотин деманг, жонон деб айтинг, жонин сизга фидо қилганку?!
Битта бўса қўнган юзидан, 100 йил кета олмайди кулгу.
Хотин деманг! совуқ бу калом, ҳеч бўлмаса айтинг исмини,
Ҳеч бўлмаса, бир йилда бир бор мақтаб қўйинг унинг хуснини.
Онаси денг, онажониси минг ўргилсин мехрибонингиз,
Унинг шодон кулгуларидан нурга тўлсин хонадонингиз.
Гулим денглар - фариштам денглар, айтинг сиздан нима кетади?!
Ахир битта ширин сўзингиз 100 йил яшашига етади!!!
Хотин дейсиз, Хой дейсиз гохо, моҳим-ойим деса бўлмасми?
Битта сўздан, биргина сўздан унинг ярим кўнгли тўлмасми.
Ранжитсалар гохида билмай, қанча бўлса бақириб тўйинг,
Аммо йоши 40дан ўтганда “ЯХШИ ҚИЗ” деб чақириб қўйинг.