8 лаборатория иши Канали индукцияланган мдя транзистор характеристикаларини ўлчаш ва тадқиқ этиш

8 - лаборатория иши


Канали индукцияланган МДЯ транзистор характеристикаларини ўлчаш ва тадқиқ этиш

Ишнинг мақсади: МДЯ транзисторларни статик режимда ишлаш хоссаларини ўрганиш.

1. Лаборатория ишини бажаришга тайёргарлик кўриш:

Бу ишни бажаришда сток токи занжиридаги қаршилик қийматининг узатиш характеристикаси кўринишига таъсирини ўрганиб чиқинг. Квази чизиқли юклама сифатида турли майдоний транзисторлар қўлланилганда узатиш характерискалар турлича бўлишига аҳамият беринг.

Мантиқий сигналлар сатҳларини аниқлашда калитнинг узатиш характеристикаси U_ЧИҚ=f(U_КИР) дан фойдаланилишига эътибор беринг. (8.1- расм)

8.1-расм
Мантиқий ноль U⁰ ҳамда мантиқий бир U¹ сатҳлар узатиш характеристикаси ва унинг кўзгули акси (пунктир чизиқ) кесишган нуқталардан аниқланади.
_ΛU = U¹ – U⁰ мантиқий сигналларнинг сатҳлар фарқи деб аталади.
2. Лаборатория ишини бажариш учун топшириқ:
2.1. МДЯ транзисторда ясалган калит узатиш характеристикасига юклама қаршилигининг таъсирини U_ЧИҚ=f(U_КИР) тадқиқ этиш.
n- турдаги канали индукцияланган МДЯ транзисторда бажарилган калит схемаси 8.2- расмда келтирилган. Схема Е2 = 9В манбадан таъминланади. Кириш кучланиши U_КИР росланувчи Е1 кучланиш манбаидан берилади. Чиқиш кучланиши U_ЧИҚ ва истеъмол қилинаётган токни ўлчаш учун рақамли вольтметр ва амперметрлардан фойдаланинг. VТ1 сифатида К176ЛП1 микросхемадаги n-каналли транзисторларнинг бирини олинг. Ишлаш қулай бўлиши учун иловада келтирилган микросхема принципиал схемасини чизиб олинг ва электродлари рақамларини белгилаб олинг.



8.2-расм

Тажрибани қуйидаги тартибда олиб бориш тавсия этилади:

- МДЯ транзистор сток занжирига чизиқли резистор R=51 кОм ни уланг;
- кучланиш манбаи қийматини Е2=9 В қилиб ўрнатинг;
- кириш кучланишини 0 дан 9В гача ўзгартириб бориб, U_ЧИҚ=f(U_КИР) ва I_ИСТ=f(U_КИР) боғлиқлигини ўлчанг;
- қаршиликнинг R=10 кОм ва 3,5 кОм қийматлари учун ўлчашларни такрорланг;
- тажриба натижаларидан фойдаланиб U_ЧИҚ=f(U_КИР) боғлиқлик графикларини қуринг.
3. Тажрибада олинган натижаларни ишлаш.
3.1. 2- бандда олинган узатиш характеристикаларни қуринг.
3.2. Ҳар бир калит учун мантиқий сигнал U⁰ ва U¹ сатҳлари ва мантиқий сигналлар сатҳлар фарқи _ΛU = U¹ – U⁰ни аниқланг.
Олинган натижаларни 7.1 – жадвалга киритинг.
8.1 – жадвал

Параметр Юклама тури	U^0, В	U^1, В	ΛU, В	PЎРТ, мВ
Қаршиликли юклама
Rю=51кОм
Rю=10кОм
Rю=3,5кОм

3.3. Мантиқий ноль ва мантиқий бир ҳолатларида манбадан истеъмол қилинаётган қувватнинг ўртача қийматини аниқланг:

; .
4. Ҳисобот мазмуни.

1) ўлчаш схемалари;

2) олинган боғлиқликлар жадваллари ва графиклари;
3) ўлчаш ва ҳисоб натижаларининг таҳлили.

5. Назорат саволлари.

1. Юклама сифатида қаршилик уланган калит параметрларининг юкламадаги қаршилик қийматига боғлиқлигини тушунтиринг.

2. Нима сабабли КМДЯ транзисторларда ясалган калит статик ҳолатларда манбадан қувват истеъмол қилмайди ?