8 ekonomika bilim tiykarlarí

Óndiris quralları bazarı — karxana hám firmalar talapları ushın zárúr tovar hám xızmetler satılatuǵın bazar.
Bunday bazarda xalıqtı jumısqa ornalastırıw menen shuǵıllanıwshı miynet birjaları, basqa kárxanalar hám shólkemler xızmet kórsetedi. Miynet birjası jumısshı kúshine zárúrligi bar jumıs orınlarına iye karxana hám jumıs izlep júrgen adamlar arasındav dáldalshılıq xızmetin alıp baradı.
Miynet birjası hám sociallıq qorǵaw orayı — karxanalar hám jumıs izlep júrgen adamlar ortasında dáldálshılıq xızmetin alıp baratuǵın shólkem. Bul shólkemdi ádette miynet birjası dep ataydı.
Miynet jumısshı kúshi bazarı — jumısshı kúshi alıw-satıw proces- leri ámelge asırılatuǵın bazar.
Puldı arnawlı, hámmege maqul bolǵan Tovar dep aytqan edik. Demek, onıń da óz bazarı boladı. Bul bazardı finans bazarı dep ataydı. Finans bazarında pul qarızǵa beriledi, yaki qarızǵa alınadı. Bul túrdegi xızmetlerdi bankler kórsetedi. Finans bazarında ópiwayı puldan basqa «bahalı qaǵazlar»
— aksiya, obligaciya, veksel dep atalıwshı pullar satıladı hám satıp alınadı. Bahalı qaǵazlar sawdasın shólkemlestiriw menen fond birjaları shuǵıllanadı. Sonday-aq, finans bazarında sırt mámleketler pulları — valyutalar da satıladı hám satıp alınadı. Bul jumıslar bankler hám valyuta almastırıw shaqapshaları ámelge asıradı.


Bahalı qaǵaz — belgili bir muǵdardaǵı qarjıǵa yaki múlkke iye- likti yaki olarǵa bolǵan múnasibetti tastıyıqlawshı arnawlı pul kórinisindegi hújjet
Fond birjaları — bahalı qaǵazlar alıw-satıwın shólkemlestiriw menen shuǵıllanıwshı dáldálshı shólkem.
Finans bazarında — pul hám qımbat bahalı qaǵazlardı alıw- satıw procesi ámelge asırılatuǵın bazar.
Intellektual tovarlar bazarında — aqıl miyneti ónimleri bolǵan tovar hám xızmetler satıladı. Bunday tovarlarǵa ilimiy ideyalar hám kórkem óner shıǵarmaları, hár túrli maǵlıwmatlar, texnikalıq joybarlar hám ashılıwlar, kompyuter baǵdarlaması, kino, koncert tamashaları hám aqıl miyneti nátiyjesi bolǵan tovar hám xızmetler kiredi.