8-amaliy mashg‘ulot

1-savol. A3 va A4 format o’lchamlarini va hoshiyalarini Auto CAD dasturida chizishni o‘rgatish.

2-ilova

Bu mashg`ulotda avvalgi mashg`ulotlarda o`zlashtirilgan bilimlar asosida grafik grafik ishlarini joylashtirish uchun A4 yoki A3 formatlarni asosiy yozuvi bilan bajariladi. A4 formatni, hamda asosiy yozuv kataklarini chizishni, ulardagi yozuvlarni bajarishni ko`rib chiqamiz.

A4 formatni ekranda chizish uchun «Kesma» buyrug`i yuklanadi. Ko`rsorni ekranning pastki yoki yuqori chap burchagiga olib kelib, uning birinchi chap burchagining o`rni belgilanadi. Shunda, muloqotlar darchasida, kesmaning ikkinchi uchining koordinatalarini kiritish so`raladi. Kesma uzunligini kiritishning tezkor usulidan foydalanib, kursorni gorizontal chiziq bo`ylab o`ng tomonga suriladi va 210 mm (mm lar yozilmaydi) terilib, «Enter» bilan qayd etiladi. Natijada A4 formatning bir tomoni hosil bo`ladi va kursor bu tomonning ikkinchi uchiga kelib qoladi. Kursorni yuqoriga vertikal chiziq bo`ylab suriladi va 297 mm ni klavishlar yordamida teriladi, hamda «Enter» bilan qayd etiladi. Natijada A4 formatni ikkinchi tomoni ekranda chizilib qoladi. Qolgan tomonlarini ham yuqoridagi tomonlari kabi chizib olinadi.

Agar, ramka chizig`i chiziladigan bo`lsa: Kesma buyrug`iga kiriladi va kursorni A4 formatning quyi chap burchagiga keltirib, @ 20,5 yozuvi kiritiladi. Shunda, kursor ramka chizig`ining quyi chap burchagiga kelib qoladi. To`g`ri to`rtburchak buyrug`iga kirib, @ 185,287 yozuvi kiritilib chizma ramkasi yasaladi, (37-rasm). Ikkinchi amaldagi chizilib qolgan kesma belgilanib, o`chirib tashlanadi.

Asosiy yozuvning kataklarini chizish uchun kvadrat nishoncha bilan ketma-ket o`n bir marotaba siljitib, gorizontal chiziqlari chizib olinadi. So`ngra, «Podobie»-«Ob`ektni o`zgartirmay berilgan masofaga surish» buyrug`idan yoki kesma uzunligini tezkor kiritish usulidan foydalanib, uning vertikal chiziqlari chizib olinadi. Ortiqcha to`g`ri chiziqlarni va ularning uzunliklarini kesmani ajratib, ekrandan yo`qotiladi yoki uzunliklari qisqartirilib chiqiladi. Natijada, asosiy yozuv kataklari DST ida belgilanganidek chiziladi. Lekin, A4 format tasvirini, nuqta koordinatalarini kiritishning nisbiy usulidan foydalanib ham bajarish mumkinligi 3-mashg`ulotda bayon qilingan edi.