8. 1-мавзу. Молиявий воситачиларнинг энг умумий таркиби

Молиявий воситачилар

Режа:

Молиявий воситачиларнинг умумий таркиби.
Банклар ва уларнинг асосий функциялари.
Суғурта компаниялари ва уларнинг асосий функциялари.
Инвестицион банклар. Андеррайтинг.
Венчур компаниялари ва уларнинг ўзига хос хусусиятлари.
Молиявий воситачилар шундай фирмаларки, уларнинг асосий вазифаси молия бозоридаги мижозларни шахсан улар иштирокидаги операцияларидан кўра юқорироқ самара берадиган молиявий маҳсулот ва хизматлар билан таъминлашдан иборат
Молиявий воситачилар
молиявий операцияларни енгиллаштириш учун икки томон ўртасида воситачилик қилувчи шахслар ёки муассасалардир
Молиявий воситачилар
Ўзаро фондлар
Банклар
Бошқа депозит-жамғарма муассасалари
Активларни бошқарувчи фирмалар
Ахборот хизматларини кўрсатувчи фирмалар
Венчур ком-панияларига капитал қўювчи фирмалар
Суғурта компаниялари
Пенсия фондлари
 
Инвестицион банклар
Ҳозирги кунда банклар энг йирик (активлари нуқтаи назаридан) ва қадимий молиявий воситачилар ҳисобланади. Биринчи банклар бундан юзлаб йиллар аввал Уйғониш даврида Италия шаҳарларида пайдо бўлган.
Олимларнинг фикрига кўра, биринчи хусусий банк 1157 йилда Венецияда герцог Виталис томонидан ташкил этилган. Шундан сўнг давлат ёки шаҳарлар томонидан дастлабки банклар томонидан тартибга солинадиган банклар14-15 асрларда Италияда (Генуя, Венеция) пайдо бўла бошлаган. Ана шундай банклардан бири Сан Жоржо банки бўлиб, у 1407 йилда Генуяда ташкил этилган. Молиячиларнинг фикрича, ҳозирги замонавий банк тизимига яқин банк тизими 17 асрнинг бошларида Англияда шаклланган. Англия Банки расман 1694 йилда рўйхатдан ўтиб, ўзининг фаолиятини фоизли кредит бериш билан бошлаган.

Тижорат банклари қуйидаги асосий функцияларни бажаради:

1. Вақтинча бўш турган пул маблағларни йиғиш ва уларни капиталга айлантириш.
2. Корхона, ташкилотлар, давлат ва аҳолини кредитлаш;
3. Муомалага кредит пуллар (муомаланинг кредит воситалари) ни чиқариш.
4. Иқтисодиётда ҳисоб-китоблар ва тўловларни амалга ошириш.
5. Молия - валюта бозорида фаолият кўрсатиш.
6. Иқтисодий-молиявий ахборотлар бериш ва консультация хиз-матларини кўрсатиш.
Айрим мамлакатларда банклар деярли ҳар қандай молиявий функцияларни бажарувчи молиявий воситачилар ҳисобланади. Улар мижозларга фақат пулларни ўтказиш ва қарз бериш бўйича турли операцияларни бажаришга оид хизматларни таклиф этибгина қолмай, балки ўзаро фондлар ва суғурта компаниялари функцияларини ҳам бажарадилар. Масалан, Германияда универсал банклар деб номланувчи банклар кўпроқ ихтисослашган молиявий воситачиларга хос бўлган деярли барча молиявий функцияларни бажарадилар.
Демак, банк – бу молиянинг маҳсус фаолият соҳаси бўлиб, молия бозори орқали пул ресурсларини жамлаб, уларни иқтисодиётнинг турли самарали субъектларига манфаатли тақсимлайдиган алоҳида молиявий институт ҳисобланади.